01.05.2016 / 20:22

Адзін з лідараў крымскіх татараў выступіў за стварэнне крымскататарскай арміі ў складзе ўкраінскай 4

Пасля забароны дзейнасці Меджліса на паўвостраве крымскататарскі народ ўсведамляе неабходнасць стварэння ўласнага войска. Пра гэта ў інтэрв'ю радыё «Свабода» заявіў адзін з лідараў крымскататарскага народа Ленур Іслямаў.

«Магчыма, зараз крымскататарскі народ зразумее, што ўсё ж такі трэба ствараць уласную армію. У нас ёсць палітычныя свае сілы, у нас ёсць дэпутаты Вярхоўнай Рады, але ў нас няма ўласнага войска. Таму мы павінны зрабіць так, каб у нас была армія, у складзе Украіны, у абліччы батальёна Намана Чэлебіджыхана», — адзначыў Іслямаў.

Нядаўна расійскія ўлады прызналі экстрэмісцкай арганізацыяй Меджліс крымскататарскага народа — структуру, якая аб'ядноўвала крымскіх татар.

Нагадаем, што да канца ХІХ ст. крымскія татары складалі большасць насельніцтва Крыма, але ў выніку расейскай каланізацыі і дэпартацыі карэнных народаў паўвострава па стане на канец ХХ ст. татараў засталося менш за 15%. Крымскія татары спрабавалі сарваць анексію Крыма ў 2014 годзе, але не мелі для таго збройнай сілы.

Крымскіх татараў у Крыме жыве цяпер каля 250 тысяч. Яны вылучаюцца высокім узроўнем культуры, адукацыі і самаарганізацыі.

Сяргей Гезгала

0
Адам Попов / Адказаць
01.05.2016 / 23:10
Чкм быстрее такая армия будет создана, тем быстрее Донбас и Крым будут украинскими.
0
Ladzimir / Адказаць
02.05.2016 / 07:56
Я лічу, што армію ствараць трэба, але гэта нада было зрабіць яшчэ раней, да таго як расійскія банды захапілі Крым. А так палучаецца што без адзінага стрэла адалі сваю Радзіму на паруганне. Цяпер вярнуць згубленае будзе цяжка, але магчыма. Нада толькі дзейнічаць.
0
Уладзiмiр / Адказаць
02.05.2016 / 08:26
В Украине и так много разных военных формирований(легальных и не совсем) , это им не особенно помогает . Нужна сильная власть на этом этапе , что бы и наружных ,,братоу" успокоить и внутри стабилизировать . А татары будут проводить свои интересы , не всегда полезные для всей Украины - как чеченцы в РФ.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру