Выканаўца разам з жывым складам зайграе свае найлепшыя песні ў межах праекту «Жывы Тузін» 22 мая ў клубе ILI.
Сольны канцэрт Вінсэнта стане апошнім у музычным сезоне праекту «Жывы Тузін» і заключным у туры самога выканаўцы па Беларусі ў падтрымку свайго новага альбома «Vir». «Увесну я аб’ездзіў усе найвялікшыя гарады Беларусі з выступамі. Пабачыў як жыве краіна. На канцэрты прыходзілі цікавыя людзі, мяне натхнялі падарожжы па краіне. Мы маем шмат прыгожых гарадоў, у якіх жывуць файныя людзі. Канцэрт у Мінску будзетакой фінальнай кропкай туру па Беларусі. І мы з музыкамі зробім усё, каб ён запомніўся слухачам надоўга», – абяцае выканаўца. Перад Мінскам у яго запланаваны таксама выступ у Лондане – другі за апошнія паўгады.
Vinsent вярнуўся пры канцы 2015 году ў музычную прастору з новай праграмай пасля амаль шасцігадовага перапынку, які быў выкліканы ад’ездам з краіны, здымкамі ў кіно і вандроўкамі па свеце. 16 снежня музыка пацвердзіў, што знаходзіцца ў выдатнай форме, калі прэзентаваў ужывую свой альбом «Vir». Працу высока ацанілі як слухачы, так і музычныя экспэрты. Рэліз трапіў у пяцёрку найлепшых беларускіх альбомаў году па версіі Experty.by і быў адзначаны ў асабістых рэйтынгах беларускіх і замежных крытыкаў. «Гэта на дзіва спелы сэнсавы прадукт. Аўтар вырас у філосафа, грамадзяніна сьвета, мужчыну, які мае досвед у жыцці, але ўсё яшчэ здольны тонка адчуваць», – выказаў сваё захапленьне вядучы перадачы «Відзьмо-Невідзьмо» Сяргей Філімонаў. «Я ўражаны арыгінальным падыходам і мелодыкай беларускай мовы!», – зазначыў музычны аглядальнік Newsweek Polska Яцэк Скалімоўскі. «Беларускай мовы я не ведаю, але вырашыў даверыцца адчуванням – у яго дакладны флоў і добра спрадусаваны біт, так што я веру ў тое, што ён нестане чытаць абы што», – адзначыў аўтар латыскага музычнага партала Intro.lv Лаўрыс Анстраўцс.
Вінсэнт выступіць 22 мая з вялікай праграмай, куды ўвойдуць як песні з альбому «Vir», так і абраныя ранейшыя спевы. «Выканаем найлепшае, будзем міксаваць жывую музыку і электронную, імправізаваць, эксперыментаваць, так што сумна не будзе!», – кажа выканаўца. Выступаць ён будзе разам з выдатнымі музыкамі Міхаілам Марынічавым, Сяржуком Падлівахіным і Раманам Саракалетавым.
НАБЫЦЬ КВІТОК НА КАНЦЭРТ АНЛАЙН
Папярэдне квіткі таксама можна набыць з 4.05 ў клубе ILI (пр-т Незалежнасьці, 131/1) і ў пунктах продажу па Менску.
Афіша
22.05 (нядзеля). 19:00. Клюб ILI (пр-т Незалежнасці, 131/1). Vinsent з праграмай «Найлепшыя песні». Кошт квітка (толькі танцпляц) — 100 000 (прома-кошт да 9.05), 150 000 (астатнія), 200 000 (у дзень, пры наяўнасці). Інфа: +375 29 687-20-93.
Адмыслова да канцэрту Tuzin.fm уклаў складанку з найлепшых песень Вінсэнта.
