07.05.2016 / 10:05

Першы мусульманін Лондана. Галоўнае, што трэба ведаць пра Садыка Хана — новага мэра сталіцы Вялікабрытаніі 6

6 мая Лондан, атрымаў новага кіраўніка — харызматычнага торы Барыса Джонсана змяніў лейбарыст Садык Хан. Хан атрымаў на выбарах 57% галасоў, а яго супернік, кансерватар Зак Голдсміт — 43. Трэці мэр Лондана (гэтую пасаду ўвялі толькі ў 2000 годзе) называе сябе «мэрам усіх лонданцаў», абяцае замарозіць і без таго завоблачны высокі кошт праезду ў грамадскім транспарце і пабудаваць даступнае жыллё.

Simon Dawson / Bloomberg / Getty Images

Садыку Хану 45 гадоў, ён сын імігрантаў з Пакістана — кіроўцы аўтобуса і швачкі.

Хан вырас у не самім прэстыжным раёне Уондсуорт на паўднёвым захадзе Лондана. Ён атрымаў юрыдычную адукацыю і займаўся праваабаронай, але ў пачатку 2000-х захапіўся палітычнай кар'ерай і быў абраны ў парламент ад Лондана. Затым — з 2008 па 2010 год — працаваў ва ўрадзе Гордана Браўна: спярша міністрам па справах мясцовага самакіравання, а затым кіраўніком міністэрства транспарту.

Хан удзельнічае ў Лонданскім марафоне, крытыкуе лідара лейбарыстаў Джэрэмі Корбіна за патрабаванне адмовіцца ад ядзерных падлодак (як можна пра гэта думаць ва ўмовах ўварвання Расіі ва Украіну і пагрозы з боку КНДР, кажа ён) і падтрымлівае актыўную барацьбу з прапагандай радыкальных поглядаў.

У адрозненне ад Барыса Джонсана, Хан лічыць, што Вялікабрытаніі трэба галасаваць за захаванне сяброўства ў ЕС на рэферэндуме 23 чэрвеня.

Хан — мусульманін паводле веравызнання.

Ён стаў першым мусульманінам, абраным у парламент у Лондане; ён жа стаў першым мэрам сталіцы Вялікабрытаніі, якія вызнаюць іслам. Хан часта нагадвае аб сваім веравызнанні і паходжанні ў інтэрв'ю і палітычных выступах; відавочна, гэта дапамагло яму заваяваць дадатковыя галасы ў барацьбе з кандыдатам ад кансерватараў Закам Голдсмітам у горадзе, дзе больш за 12% насельніцтва вызнаюць іслам.

Таблоіды абвінавачвалі Хана ў сувязях з радыкальнымі мусульманамі.

Яго сястра была замужам за юрыстам Макбулам Джаваідам, якога ў 1990-х заўважалі ў кампаніі ісламістаў. Сам Джаваід прызнаўся журналістам, што шкадуе аб сваіх мінулых перакананнях, а Хан заявіў, што не меў кантактаў з былым мужам сваёй сястры больш за дзесяць гадоў.

Асобны пункт у яго перадвыбарнай праграме — барацьба са злачынствамі на рэлігійнай глебе і прапагандай нянавісці.

Садык Хан абяцае лонданцам даступнае жыллё.

Вар'яцкія цэны на нерухомасць — адна з ключавых праблем Лондана, якія пакідае пасля сябе мэр Барыс Джонсан. Пры ім арэнда мікраскапічнага пакоя памерам з шафу стала дасягаць 700 фунтаў у месяц. Хан абяцае, што Лондан будзе будаваць 80 тысяч дамоў у год (у чатыры разы больш, чым цяпер), прычым палова гэтага жылля будзе даступнай. Ён збіраецца даць прыярытэт лонданцам ў куплі жылля і ўвядзе «лонданскую рэнту» — фіксаваны кошт арэнды бюджэтных кватэр у памеры траціны ад сярэдняга заробку.

Супернік Хана дапусціў занадта шмат памылак.

Незадоўга да выбараў Зак Голдсміт апублікаваў калонку, у якой заклікаў не аддаваць «самы вялікі горад у свеце лейбарыстам, якія лічаць тэрарыстаў сваімі сябрамі». Артыкул суправаджаўся фатаграфіяй узарванага ісламістамі аўтобуса ў Лондане ў 2005 годзе; многія (у тым ліку і калегі па Кансерватыўнай партыі) ўспрынялі яе як антыісламскі маніфест, накіраваны на раз'яднанне шматнацыянальнага горада. Сярод іншых недахопаў Голдсміта — адсутнасць якіх-небудзь рэальных палітычных або дзелавых дасягненняў і прыналежнасць да вышэйшага класа, што раздражняе вялікую колькасць выбаршчыкаў.

0
Мордехай В. / Адказаць
07.05.2016 / 10:07
Англичане даже в одном городе не выбрали пафосного сынка. Поглядим на Западные колонии.
0
Нати / Адказаць
07.05.2016 / 12:42
Британцы,безусловно,невероятно привлекательные мужчины.Но глядя на Хана,кажется,что в этих европеизированных мусульманах что-то такое страстное есть.Недаром,самая потрясающая женщина 20 века принцесса Диана в свое время предпочла Доди аль-Файеда. )
0
МатрУна / Адказаць
07.05.2016 / 13:46
а мне нравится . Красавчик )))) И я бы за него проголосовала .
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру