Федэрацыя футбола Румыніі прыняла рашэнне адкласці ўсе матчы пад сваёй эгідай з 7 па 10 мая ў сувязі са смерцю паўабаронцы бухарэсцкага «Дынама» Патрыка Экенга, паведамляе афіцыйны сайт федэрацыі.
Патрык Экенг згубіў прытомнасць падчас матчу з «Віторулам» (3:3) у чэмпіянаце Румыніі. 26-гадовы футбаліст выйшаў на замену на 63-й хвіліне, а праз шэсць хвілін згубіў прытомнасць. Камерунец быў тэрмінова шпіталізаваны, але памёр у бальніцы.
У сувязі з трагічным інцыдэнтам, матчы трох дывізіёнаў чэмпіянату Румыніі і фінал Кубка краіны паміж бухарэсцкім «Дынама» і «ЧФР Клуж», запланаваныя на 7 па 10 мая, былі адкладзеныя. Таксама ў гэтыя дні не будуць праводзіцца матчы міні-футбольнага, жаночага і моладзевага першынстваў краіны.
0
0
0
0
0
0
