Міністр нафты Ірана Біджан Зангане (Bijan Namdar Zanganeh) ў нядзелю заявіў, што Іран не прымае план замарозкі ўзроўню здабычы нафты, прапанаваны Саудаўскай Аравіяй.
«У мяне з міністрам нафты Саудаўскай Аравіі адбылася размова, бо яны хацелі знізіць ўзровень вытворчасці нафты ў нашай краіне да ўзроўню пачатку 2016 года. Я яму сказаў: Вы насамрэч жартуеце!» — прыводзіць тэлеканал IRINN словы Зангане.
Раней на гэтым тыдні дырэктар Нацыянальнай іранскай нафтавай кампаніі Рукнеддзін Джавад заяўляў, што ўзровень здабычы нафты Ірана дасягнуў 3,7 млн бараляў за суткі. Паводле яго слоў, Іран будзе гатовы далучыцца да плану замарозкі нафтаздабычы праз 1—2 месяцы пасля дасягнення дасанкцыйнага ўзроўню здабычы і экспарту нафты.
