 |
У Менску 9 траўня ад 10:30 да 13:30 ў сувязі з правядзеньнем сьвяточных мерапрыемстваў на плошчы Перамогі закрыюць рух усіх відаў транспарту.
Нельга будзе праехаць:
- па праспэкце Незалежнасьці (б. Скарыны) ад вуліцы Камсамольскай да вуліцы Казлова),
- па вуліцы Кісялёва (ад вуліцы Чырвонай да плошчы Перамогі),
- Камуністычнай (ад вуліцы Чырвонай да мясцовага праезду),
- Фрунзэ (ад вуліцы Першамайскай да парка Горкага),
- Леніна (ад вуліцы Інтэрнацыянальнай да Маркса).
У сувязі з правядзеньнем сьвяточнага салюту ля абэліску «Менск — горад‑герой» з 21:30 да 22:20 часткова будзе закрыты рух транспарту па праспэкце Машэрава — ад вуліцы Даўмана да Ціміразева (на ўчастку былых вуліц Ерусалімскай і Дразда).
Дзяржаўтаінспэкцыя прыносіць выбачэньні за часовыя нязручнасьці й рэкамэндуе кіроўцам выключыць з свайго маршруту гэтыя ўчасткі вулічна‑дарожнай сеткі.
Урачыстае шэсьце, прысьвечанае Дню Перамогі пачнецца а 12‑й гадзіне ад Кастрычніцкай плошчы й пройдзе па праспэкце Незалежнасьці. Удзел у ім возьмуць каля шасьці тысяч чалавек. Вэтэраны вайны праедуць на дванаццаці яскрава ўпрыгожаных аўтамабілях «УАЗ».
