Пераможцай Еўрабачання-2016 стала 32-гадовая ўкраінская спявачка Джамала. Яна выконвала песню «1944» пра трагічны лёс крымска-татарскага народа і яго дэпартацыю ў 40-ыя гады.
AP Photo/Martin Meissner
Яна ў выніку набрала 534 балы.
На другое месца Джамалу паставілі як журы краін Еўропы, гэтак і гледачы. Аднак гэтага хапіла, каб у выніку заняць першае месца.
Журы галасавала за Дэмі Ім, гледачы — за Сяргея Лазарава.
Выкананне Джамалай песні ў фінале
А гэта ўжо пасля перамогі
Другое месца ў спявачкі з Аўстраліі карэйскага паходжання Дэмі Ім з песняй «Sound of Silence» («Гук цішыні»). У яе 511 балаў.
Трэцяе ўзяў выканаўца з Расіі Сяргей Лазараў з кампазіцыяй «You Are the Only One» («Ты — адзіная»). Менавіта Лазарава доўгі час лічылі фаварытам конкурсу. У прадстаўніка Расіі 491 пункт.
Цікава, што тэлегледачы надзвычай высока ацанілі польскага выканаўца Міхала Шпака, які быў толькі 25-ы ў галасаванні журы, а сваімі смс-камі і званкамі яго паднялі аж на трэцяе месца. У выніку Шпак заняў высокае восьмае месца.
Беларускае журы 12 балаў аддала Расіі, 10 – Літве, 8 – Швецыі, 7 – Украіне.
Украіна ў другі раз перамагае на «Еўрабачанні». Першай пераможцай у 2004 годзе была Руслана.
* * *
Чытайце таксама:
Украіна перамагла дзякуючы змене сістэмы галасавання — цікавыя падлікі
Ivan стаў 29-м з 42 удзельнікаў, яго падтрымалі ўкраінцы і палякі
Стала вядома, як на «Еўрабачанні» галасавалі беларускія тэлегледачы
