15.05.2016 / 17:56

У Маладзечне затрыманы актывіст Павел Сяргей 1

У Маладзечне (Мінская вобласць) затрыманы актывіст Павел Сяргей, паведамляе сайт spring96.org.

Актывіст быў затрыманы 14 мая каля 17 гадзін за ўдзел у пікеце супраць будаўніцтва свінакомплексаў, які прайшоў перад будынкам Маладзечанскага райвыканкама 12 мая.

Нагадаем, у пікеце, які перарос у мітынг, узялі ўдзел восем чалавек, у тым ліку каардынатар аргкамітэта па стварэнні партыі «Беларуская хрысціянская дэмакратыя» па Мінскай вобласці Павел Пракаповіч і старшыня барысаўскай арганізацыі Беларускай сацыял-дэмакратычнай партыі (Грамада) Аляксандр Абрамовіч. Пазней да яго далучыліся і актывісты грамадзянскай экалагічнай ініцыятывы «Цана жыцця», у якую ўваходзіць і Павел Сяргей.

Удзельнікі пікету пратэставалі супраць будаўніцтва комплексаў без належнай экалагічнай прапрацоўкі гэтых аб'ектаў. Яны трымалі плакаты «Не свінству ўладаў!» і «Хто адкажа за знішчаную экалогію?». Актывісты-эколагі разгарнулі расцяжкі «Не будаўніцтву свінарніка!» і «Будуючы свінарнік, капаеце сабе магілу!».

Пікет завяршыўся складаннем пратаколаў у дачыненні да яго ўдзельнікаў.

1
запыт / Адказаць
15.05.2016 / 18:50
Дык Павел цi Сяргей?
Каб пакінуць каментар, калі ласка, актывуйце JavaScript у наладах свайго браўзеру