Новаабраны прэзідэнт Філіпінаў Радрыга Дутэртэ яшчэ раз пацвердзіў, што будзе весці жорсткую барацьбу са злачыннасцю і наркаманіяй, заявіўшы, што ён загадае сілам бяспекі расстрэльваць на месцы падазраваных у здзяйсненні злачынстваў, калі яны акажуць супраціў пры затрыманні.
Ён таксама зноў пацвердзіў, што пастараецца дамагчыся ад парламента зняцця мараторыя на смяротнае пакаранне. У заяве Дутэртэ гаворыцца і аб магчымасці поўнай забароны на алкаголь, курэнне ўнутры памяшканняў і аб увядзенні па ўсёй краіне каменданцкай гадзіны для дзяцей.
Новы лідар Філіпінаў паабяцаў ператварыць прэзідэнцкі палац у Маніле ў бальніцу.
Ён таксама збіраецца загадаць усім урадавым чыноўнікам купляць толькі квіткі эканом-класа на камерцыйныя рэйсы.
0
0
0
0
0
0
