20.05.2016 / 16:01

У Пінску кіроўца ахвяраваў машынай, каб выратаваць дзіця: вазок каціўся на дарогу 6

ДТЗ адбылося днём 19 мая ў Пінску.

Фота: Palevo Pinskburg (vk.com)

На вуліцы Зорнай у BMW, што праязджаў міма, урэзаўся Hyundai, які выкаціўся са стаянкі. Па словах відавочцаў, кіроўца Hyundai прыпаркаваўся каля кавярні «Праметэй». У гэты момант ён заўважыў, што ў напрамку праезнай часткі каціцца вазок з дзіцем. Мужчына выбег з аўтамабіля, каб выратаваць малога. Замест вазка на дарогу выкаціўся яго Hyundai.

Як распавёў пінчук Яўген, абодва аўтамабілі атрымалі нязначныя пашкоджанні.

У ДАІ Пінска пацвердзілі інфармацыю пра інцыдэнт. Як выявілі інспектары, кіроўца выйшаў з кавярні, сеў за руль, завёў аўтамабіль і ўключыў нейтралку. У гэты момант ён заўважыў, як ад кавярні ад'язджае ў напрамку алеі і дарогі летні вазок з дзіцем. Мамы побач не было. Мужчына выбег з аўто, спыніў вазок і падкаціў яго на месца, зафіксаваўшы, каб ён не ад'язджаў. Яго аўтамабіль пры гэтым скаціўся на праезную частку і ўрэзаўся ў BMW.

На шчасце, у аварыі ніхто не пацярпеў.

Хочаш падзяліцца важнай інфармацыяй ананімна і канфідэнцыйна?

0
Вета / Адказаць
20.05.2016 / 16:37
Дзякуй за прыемныя навіны.
0
Гость / Адказаць
20.05.2016 / 16:52
Сколько штрафа дали за умышленное нарушение ПДД ?
0
Правда / Адказаць
20.05.2016 / 17:02
Надо похвалить!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру