Хутка наступіць лета — час актыўнага адпачынку на прыродзе. Добрае надвор'е так і кліча выехаць у лес і пасядзець у коле сяброў ля вогнішча. Аднак не варта забываць, што неабдуманае абыходжанне з агнём часцяком прыводзіць да трагічных вынікаў. Легкадумнасць і нядбайнасць ў гэтым пытанні могуць выклікаць незваротныя наступствы, такія як лясны пажар, здольны знішчыць на сваім шляху мноства дрэў, звяроў, а часам і людзей.
Мінская абласная інспекцыя аховы жывёльнага і расліннага свету нагадвае, што ў адпаведнасці з Правіламі пажарнай бяспекі ў лясах у пажаранебяспечны сезон забараняецца:
— разводзіць вогнішчы ў хвойных несамкнёных лясах (вышынёй дрэваў да 1 м) і маладняках (вышынёй да 15 м), на участках пашкоджанага лесу (ветравалу і буралому), тарфяніках, у месцах з падсохлай травой;
— пакідаць непатушаныя крыніцы гарэння, тлення (падпаленыя запалкі, недакуркі і інш.);
— пакідаць прамасленыя або прасякнутыя лёгкаўзгаральнымі і гаручымі вадкасцямі ці іншымі гаручымі рэчывамі матэрыялы (паперу, тканіна, вату і інш.);
— запраўляць паліўныя бакі машын і механізмаў у неўстаноўленых месцах, а таксама пры ўключаных рухавіках;
— выкарыстоўваць машыны з няспраўнасцямі, якія прыводзяць да выцякання лёгкаўзгаральных і гаручых вадкасцяў, курыць або карыстацца адкрытым агнём паблізу машын, якія запраўляюцца палівам;
— выпальваць сухую траву.
Развядзенне вогнішчаў дапускаецца (у тым ліку з выкарыстаннем прыстасаванняў:
мангалаў, барбекю, грыль, газавых пліт на ўладкаваных пляцоўках, абрамленых мінералізаванай паласой шырынёй не менш за 0,25 м, а таксама ў месцах, якія выключаюць пашкоджанне агнём дрэваў. Вогнішча павінна быць патушана да поўнага спынення тлення.
За развядзенне вогнішчаў у забароненых месцах можа быць прызначаны штраф да 12 базавых велічынь. За парушэнне патрабаванняў пажарнай бяспекі ў лясах або на тарфяніках або забароны на іх наведванне — да 25 базавых велічынь. За незаконныя дзеянні, якія прывялі да знішчэння або пашкоджання лесу або тарфянікаў — да 50 базавых велічынь з кампенсацыяй нанесенай шкоды.
