Міліцыя шукае 63-гадовага жыхара Полацка Аляксандра Смыкава. Апошні раз яго бачылі тры дні таму ў вёсцы Сякераўшчына, а пасля ён прапаў разам са сваім аўтамабілем.
Фота ПВА «Анёл»
Як паведамляе пошукавы атрад «Анёл», мужчына пражывае ў Полацку па 2-му завулку Цыялкоўскага, 8.
25 мая прыкладна ў 13.00 ён з'ехаў з хаты на сваёй машыне Volkswagen Passat B4. У той жа дзень, прыкладна ў 15.00, знаходзіўся ў вёсцы Сякераўшчына (Полацкі раён), пасля чаго перастаў выходзіць на сувязь з роднымі.
Прыкметы: рост 197 см, шчыльнага целаскладу; вочы блакітныя, валасы сівыя.
Быў апрануты: штаны цёмныя, майка з кароткім рукавом цёмная ў палоску.
Аўтамабіль: Volkswagen Passat B4, тып кузава — універсал, 1994. года выпуску, рэгістрацыйны нумар 5865 АХ-2.
Усіх, хто валодае інфармацыяй аб зніклым, просяць паведаміць пра гэта па тэлефоне: ПСО «Анёл» — 8 (033) 666-68-56, 8 (033) 666-60-33 або ў Полацкі РАУС Віцебскай вобласці па нумарах 8 (029 ) 715-58-98 або 102 (агульны).