27.05.2016 / 19:38

Мужчына нацкаваў ратвейлера на суседку, якая адмовілася «выстаўляць» свайго сабаку на бой 14

У Бярозаўскім раёне распачатая крымінальная справа ў дачыненні да 24-гадовага мужчыны, які нацкаваў дарослага ратвейлера на суседку.

22 мая каля 17.30 у вёсцы Здзітава п'яны малады чалавек са сваім сабакам зайшоў у двор да суседкі з прапановай зладзіць з яе сабакам бой. Гаспадыня стала выганяць госця і сказала, што калі ён не сыдзе, яна выкліча міліцыю.

Тады падазраваны зняў свайго ратвейлера з ланцуга і даў каманду «Узяць». Сабака накінуўся на жанчыну і ўкусіў за перадплечча правай рукі. На шум выбег муж пацярпелай і віламі адагнаў сабаку ад жанчыны. Пасля гэтага гаспадар ратвейлера ударыў 45-гадовага мужчыну кулаком у твар.

«Па дадзеным факце Беразоўскім раённым аддзелам Следчага камітэта распачатая крымінальная справа па ч. 3 арт. 339 КК (асабліва злоснае хуліганства). Вырашаецца пытанне аб аглядзе спецыялістамі сабакі, які быў выкарыстаны ў якасці зброі для прычынення цялесных пашкоджанняў», — паведамілі ў абласным упраўленні Следчага камітэта.

0
Міхась / Адказаць
27.05.2016 / 19:49
мне здаецца, што на пэўныя віды сабак мае быць ліцэнзія. з вельмі добрай праверкай, а яшчэ за прагулку з такім сабакам у не цвярозым стане - штраф.
0
belariy / Адказаць
27.05.2016 / 20:02
трэба было віламі ў першую чаргу гаспадара сабакі адганяць.
0
Верны / Адказаць
27.05.2016 / 20:17
Какія чудовішчныя дзібілы ёсьць. Проста надзіва.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру