28.05.2016 / 14:38

Гомельскую велакраму абрабавалі двойчы за месяц: выкралі больш за 30 ровараў на $15 тыс. 2

Ілюстрацыйнае фота

Гомельскую велакраму на вуліцы Інтэрнацыянальнай з пачатку мая абрабавалі ўжо двойчы: скралі больш за 30 ровараў на агульную суму каля $15 тыс.

Першае рабаванне адбыўся ў ноч на 7 мая. Тады злодзеі забраліся праз чорны ўваход, падабраўшы ключы, і выкралі 23 ровары па цане ад 10 да 28 мільёнаў рублёў. Другі раз залезлі ў ноч на 21 мая. Зламыснікі забраліся праз акно і вынеслі 10 дарагіх ровараў, а таксама аксесуары.

Абодва злачынствы пакуль не раскрытыя. Праваахоўнікі не каментуюць ход расследавання.

У адміністрацыі крамы адзначылі, што ў памяшканні не была ўсталяваная сігналізацыя. Пасля першага рабавання ў краме змянілі замкі і заварылі дзверы чорнага ўваходу, а пасля другога — заклалі акно цэглай. Таксама пададзеная заява на ўстаноўку ахоўнай сігналізацыі.

У адміністрацыі крамы мяркуюць, што зламыснікі дзейнічалі на заказ і сумняюцца, што скрадзеныя ровары ўдасца рэалізаваць па іх рынкавых цэнах. У сувязі з гэтым яны просяць грамадзян дапамагчы ў пошуку выкрадальнікаў і заклікаюць звяртаць увагу на магчымыя прапановы аб продажы новых фірмовых ровараў па цане ніжэй за рынкавую.

0
Vedrich / Адказаць
29.05.2016 / 00:33
Ровары в России уже скорее всего
0
Zljuka / Адказаць
29.05.2016 / 07:18
****У адміністрацыі крамы адзначылі, што ў памяшканні не была ўсталяваная сігналізацыя. Пасля першага рабавання ў краме змянілі замкі і заварылі дзверы чорнага ўваходу, а пасля другога — заклалі акно цэглай. Таксама пададзеная заява на ўстаноўку ахоўнай сігналізацыі. Самi сябе злобныя бурацiны. А ўвогуле нешта падобнае я бачыў у Гайдая, у "Аперацыi Ы".
Каб пакінуць каментар, калі ласка, актывуйце JavaScript у наладах свайго браўзеру