28.05.2016 / 14:56

Ці трэба пераносіць Алімпіяду ў Рыа з прычыны віруса Зіка — меркаванне Сусветнай арганізацыі аховы здароўя 3

На адкрыты ліст навукоўцаў і медыкаў да кіраўніка Сусветнай арганізацыі аховы здароўя (СААЗ) з просьбай адмяніць або перанесці летнія Алімпійскія гульні 2016 года, якія адбудуцца ў жніўні ў Рыа-дэ-Жанейра, з'явіўся, нарэшце, адказ.

Фота REUTERS/ Jorge Cabrera

У афіцыйнай заяве СААЗ сказана, што, зыходзячы з ацэнкі на гэты час віруса Зіка, які распаўсюджваецца ў 60 краінах свету і 39 краінах Паўночнай і Паўднёвай Амерыкі, цяпер «няма падстаў для пераносу або адмены Алімпіяды».

Згаданы вышэй ліст падпісалі 150 спецыялістаў з усяго свету. Яны адзначалі, што на Алімпіядзе чакаецца каля паўмільёна турыстаў, якія могуць заразіцца і прывезці штам віруса ў свае краіны, што пацягне сур'ёзныя наступствы. Асабліва небяспечныя наступствы аўтары ліста прадбачаць для краін Паўднёвай Азіі і Афрыкі.

XXXI летнія Алімпійскія гульні пройдуць у Рыа-дэ-Жанейра з 5 па 21 жніўня.

Вірус Зіка ўяўляе небяспеку для цяжарных жанчын, паколькі можа выклікаць мікрацэфалію (памяншэнне мозгу) у нованароджаных. Вакцыны ад віруса да гэтага часу няма.

Першапачаткова лічылася, што вірус Зіка перадаецца праз укусы аднаго з відаў маскітаў. Аднак пазней высветлілася, што працэс перадачы захворвання больш складаны.

0
рэпліка / Адказаць
28.05.2016 / 15:49
Па спасылцы няма канкрэтна пра больш складаны працэс.
0
Jesus Belarus / Адказаць
28.05.2016 / 18:55
Ды ўвогуле алімпіяды не акупаюцца, а жыцце ў Бразіліі і без таго не цукровае.
0
Джоні / Адказаць
31.05.2016 / 11:56
Пераносіць алімпіяду ў Рыа ці з Рыа?
Каб пакінуць каментар, калі ласка, актывуйце JavaScript у наладах свайго браўзеру