У сядзібе-музэі «Пружанскі палацык» адбылася «Ноч вышыванкі» — імпрэза ў нацыянальным калярыце. Госці прыехалі ня толькі з Пружанаў, але і зь Берасьця, Кобрына, Бярозы і нават з Польшчы.
Многія наведнікі «Ночы вышыванкі» былі апранутыя ў кашулі з нацыянальным арнамэнтам. Хто такіх ня меў — замаўлялі вышымайкі ў майстра Пружанскага дому рамёстваў, які наносіў арнамэнт на цішоткі проста на вачах замоўцы.
Працавала этна-кавярня, выстава беларускіх кніг, мастацкая выстава.
«Наша мерапрыемства праходзіць у межах міжнароднай акцыі «Ноч музэяў» у этна-стылі, нацыянальных традыцыях. Гэта першая нашая спроба правесьці «Ноч вышыванкі». Калі будзе добры розгалас, то мы будзем ладзіць яшчэ. Сёньня шмат людзей прыйшлі сюды ў вышыванках, вышымайках. Гэта добры знак», — кажа дырэктар музэю «Пружанскі палацык» Юрый Зялевіч.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню58
Каментары