28.05.2016 / 19:31

Віталь Гуркоў стаў чэмпіёнам свету па муай-тай! + відэа фінальнага бою 51

Толькі што скончыўся фінальны бой за званне чэмпіёна свету па муай-тай у катэгорыі да 75 кілаграм. 

Віталь Гуркоў перамог Экапана Самбаансаба з Тайланда, які не саступаў у баях ужо 4 гады запар. 

Віншуем нашага «Народнага чэмпіёна»!

Гэтая перамога адметная яшчэ і тым, што некаторы час паездка Гуркова ў Швецыю была пад пытаннем — у зборнай нібыта не маглі знайсці грошы. 

У адказ на гэта грамадскасць за адзін дзень сабрала неабходную суму ў некалькі тысяч еўра, а за Гурковым замацавалася мянушка «Народны чэмпіён»

Вось кароткае відэа, знятае адразу пасля бою — Гуркоў яшчэ не разматаў бінты і перадае прывітанне свайму трэнеру Зміцеру Пясецкаму. 

А вось як «Народны чэмпіён» з'явіўся на ўзнагароджванне.

«Пагоня побач! Будзем жыць», — вітаюць байца ў фэйсбуку. 

Гэты чэмпіянат склаўся для беларусаў надзвычай удала — у агульным медальным заліку мы другія з 5 залатымі, адной срэбранай і чатырма бронзавымі медалямі. 

Чэмпіёнамі свету сталі Віталь Гуркоў, Анатоль Ванакаў, Зміцер Валент і Андрэй Герасімчук. 

Дзяніса Ганчаронка шведскі медык не дапусціў да фіналу праз павышаны ціск.

Сярод дзяўчат золата мае Алена Ляшкевіч. 

АЯ

0
Jesus Belarus / Адказаць
28.05.2016 / 18:50
Перамогі! Верым! Шкада не гляну.
0
Язэп / Адказаць
28.05.2016 / 18:52
Перамога!!! Віталь найлепшы! Бярэ сваёй цягавітасьцю....
0
Дубровенский / Адказаць
28.05.2016 / 18:55
В минспорта поперхнулись.
Паказаць усе каментары/ 51 /
Каб пакінуць каментар, калі ласка, актывуйце JavaScript у наладах свайго браўзеру