Палкоўнік Руслан Касыгін прызначаны начальнікам штаба — першым намеснікам камандуючага войскамі Заходняга аператыўнага камандавання Узброеных Сіл Беларусі.
Гэта прадугледжана прэзідэнцкім указам нумар 183.
Заходняе камандаванне мае штаб у Гродне, усяго ў структуры Мінабароны два камандаванні (другое мае штаб у Барысаве).
Чым адметны Руслан Касыгін? Украінскія СМІ летась празвалі яго «адэптам рускага свету», вывучыўшы старонку ў «Аднакласніках». Там Касыгін з радасцю адзначаў, што «Крым у нашых руках».
Касыгін нарадзіўся ў 1968 годзе ва ўкраінскай Ялце. Скончыў Чалябінскае танкавае каманднае вучылішча (1989) і быў размеркаваны ў Беларусь. Да апошняга часу ён быў начальнікам інфармацыйна-аналітычнага ўпраўлення Генштаба.
0
0
0
0
0
0