Пра гэта паведамілі ў Беларускай асацыяцыі гольфа.
У сталіцы пляцоўка для міні-гольфа размешчаная ў ГЦ «Арэна-Сіці». У Магілёве поле для гульні ў міні-гольф устаноўлена каля Палаца культуры. У цырымоніі адкрыцця спартыўных аб'ектаў браў удзел старшыня Беларускай асацыяцыі гольфа Уладзімір Дражын.
«З адкрыццём у Мінску і Магілёве пляцовак значна пашырылася інфраструктура для гульні ў гольф. Раней у Мінску быў адкрыты клуб Pro Golf. У распараджэнні ўсіх прыхільнікаў гэтага віду спорту ёсць ужо тры аб'екты, уведзеныя у эксплуатацыю за апошнія 4 месяцы», — адзначыў Уладзімір Дражын.
Як адзначыў старшыня Беларускай асацыяцыі гольфа, новыя спортзбудаванні зробленыя на аснове дзяржаўна-прыватнага партнёрства. Да 1 ліпеня плануецца распрацаваць праграму развіцця міні-гольфа і прапанаваць яе упраўленням па фізічнай культуры, спорту і турызму аблвыканкамаў і Мінгарвыканкама.
Гольф будзе прадстаўлены на Алімпійскіх гульнях у Рыа праз 116 гадоў пасля дэбюту віду спорту ў 1900 годзе ў Парыжы.
