01.06.2016 / 17:58

Археолагі знайшлі найстарэйшыя ў гісторыі Лондана рукапісныя дакументы 12

Эксперты Музея археалогіі Лондана знайшлі 400 пакрытых воскам драўляных таблічак, з дапамогай якіх вялі перапіску жыхары рымскай Брытаніі.

Тут і ніжэй фота: MOLA

Знаходка зробленая падчас земляных работ у фінансавым цэнтры Лондана на месцы будпляцоўкі для новай штаб-кватэры кампаніі Bloomberg.

З гэтых таблічак археолагам на дадзены момант удалося расшыфраваць 87 штук.

На адной з іх стаіць дата: 8 студзеня 57 года нашай эры. Гэтая таблічка, як кажуць навукоўцы, з'яўляецца самым старым рукапісным дакументам, якія адносяцца да гісторыі Лондана.

Яшчэ адна таблічка, на думку археолагаў, адносіцца да 65-80 гадоў нашай эры. На ёй пазначаны адрас: «Лондан, Магонціусу» - гэта самая старая згадка горада, які рымляне называлі Ландыніумам.

Таблічкі ўяўляюць з сябе дзелавую карэспандэнцыю: іх аўтары просяць аб розных пазыках, напрыклад, вярнуць даўгі або выдаць крэдыты.

Мяркуючы па гэтых таблічках, у той час Лондан засялялі прадпрымальнікі і салдаты — у асноўным выхадцы з Галіі і басейна ракі Рэйн.

Таблічкі былі знойдзеныя на дне ракі Уолбрук, рэчышча якой цяпер праходзіць па падземных тунэлях.

Хочаш падзяліцца важнай інфармацыяй ананімна і канфідэнцыйна?

0
Жвiр / Адказаць
01.06.2016 / 18:13
Jak cikava ! Ja viedaju adnaho čalavieka z prozviščam "Магоніс". Peūna heta naščadak taho londanskaha Mahoncyūsa ! :)
0
а то! / Адказаць
01.06.2016 / 19:06
Ну вось, тутака ў 11 ст. і далей пісалі на бярозавай кары, а ў Лондане - таксама на дрэве, але 10 стагоддзямі раней... Спакваля кавыляла да нас пісьменнасьць, але тэмы тых берасьцяных грамат і гэтых таблічак адны і тыя ж - пазыкі, просьбы і г.д.
0
Н.М. / Адказаць
01.06.2016 / 19:11
Панове, ну ня можа быць рымскага пісьма з датаю- студзень 57-га года. У рымлян быў не хрысьціянскі каляндар, летазьлічэньне ад нараджэньня Хрыстова ўведзена было тады, калі рымлянамі ў Брытаніі ўжо і ня пахла...
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру