01.06.2016 / 20:54

У «Гаррамаўтадары» распавялі, чаму ў часе «Праспекта нацыянальнага сцяга» выпрабоўвалі «падбор вуглоў скіравання струменяў вады» 9

Генеральны дырэктар «Гаррамаўтадара» адказаў на зварот блогера Антона Матолькі аб мэтазгоднасці ўборкі пр. Незалежнасці ў час правядзення акцыі апазіцыі 14 мая гэтага года.

Фота: Аляксандр Васюковіч, TUT.BY

У гадавіну рэферэндуму 1995 года некалькі дзясяткаў актывістаў выйшлі на Кастрычніцкую плошчу, дзе правялі акцыю «Праспект нацыянальнага сцяга». У гэты час кіраўніцтва «Гаррамаўтадара» вырашыла правесці ўборку праспекта ў раёне, прылеглым да месца правядзення акцыі. Супрацоўнікі УДАІ ГУУС абмежавалі рух транспарту.

Блогер Антон Матолька адправіў зварот у КДК, у якім выказаў асцярогу аб «неэфектыўным выкарыстанні бюджэтных сродкаў».

«Хацелася ўдакладніць мэтазгоднасць масавай уборкі праспекта Незалежнасці з дапамогай не менш за 8 палівальных машын на ўчастку ад перасячэння з вул. Янкі Купалы да перасячэння з вул. Леніна. Для гэтай «уборкі» быў перакрыты праспект з дапамогай супрацоўнікаў ДАІ», — напісаў Антон.

Таксама ён папрасіў назваць кошт уборкі, колькі было выдаткавана літраў паліва, колькі чалавек было задзейнічана.

КДК перанакіраваў ліст у ДВА «Гаррамаўтадар Мінгарвыканкама». На яго адказаў гендырэктар Дзяніс Глінскі.

У адказе ён пацвердзіў правядзенне работ, але звязаў іх з апрабацыяй «упершыню ўсталяванага на палівамыйныя машыны абсталявання для рэечнай высоканапорнай мыйкі пакрыццяў праезнай часткі», што, зыходзячы з адказу, з'яўляецца новай тэхналогіяй для нашай краіны.

Кіраўнік «Гаррамаўтадара» удакладніў, што ў дзень правядзення акцыі апазіцыі «рабілася адладка, налада і рэгуляванне абсталявання, выконваўся падбор і былі вызначаныя найбольш эфектыўныя вуглы скіравання струменяў вады, адлегласць ад рэйкі да пакрыцця, налада працы помпаў, клапанаў і размеркавальнікаў патокаў вады».

Антону таксама было прапанавана ў выпадку нязгоды з адказам абскардзіць яго ў судовым парадку.

Хочаш падзяліцца важнай інфармацыяй ананімна і канфідэнцыйна?

0
Джон Жарптушкін / Адказаць
01.06.2016 / 21:28
Так, одна трехлетняя девочка, услышав на лестнице шум, зашептала: - Мамочка, я боюсь. К нам, наверно, Трамот ползет. - Какой Трамот? - Такой большой, тяжелый и грохает по ступенькам. Я не сразу понял, что такое Трамот. Потом мне объяснили: это не душегуб и не зверь, это - сокращенное название Транспортно-материального отдела, где служил отец этой девочки. О Трамоте часто говорилось в семье, и девочку всегда пугало это слово, так как в самом его звуке ей чудились бегемотная свирепость и грузность: ТРАМОТ. Не мудрено, что, когда она услыхала на лестнице топот, она сразу решила, что это и есть Трамот - жирный, неуклюжий, жадный. http://www.chukfamily.ru/Kornei/Prosa/Ot2do5/glava1
0
Zljuka / Адказаць
01.06.2016 / 21:38
Жах у тым, што ён (дырэктар Гаррамаўтадара) мяркуе, што гэта смешна - быць клоунам з такiм адказам. Так, але ж калi цырк - уся краiна...
0
цырк на дроце / Адказаць
01.06.2016 / 23:07
А я думаю, што праводзілі тэст на халуйства. І ты паспяхова яго прайшоў, гаррамаўтадар.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру