15.05.2008 / 12:06

Затрымалі Віктара Хурсіка 2

Прысуд вынес суд Старых Дарог. Краязнаўцу прызналі ўдзельнікам несанкцыянаванага ўсталяваньня крыжа ў в. Дражна ў памяць ахвяраў партызанскай апэрацыі 14 красавіка 1943 г.

Аўтар кнігі «Кроў і попел Дражна» Віктар Хурсік на ўласным аўто выехаў у Старыя Дарогі, адкуль яму даслалі позву ў суд. Яго мусілі судзіць удзел у несанкцыянаваным усталяваньні крыжа ў памяць ахвяраў партызанскай апэрацыі 14 красавіка 1943 г.

Па словах гісторыка Яўгена Анішчанкі, якому сп. Хурсік пасьпеў патэлефанаваць, у слухаўку было чутна, як на рукі краязнаўцы начапілі кайданкі. Ён пасьпеў сказаць, што яго арыштавалі на 15 сутак. Пазьней стала вядома, што суд Старых Дарог прызнаў краязнаўцу ўдзельнікам несанкцыянаванага ўсталяваньня крыжа ў в. Дражна. У выніку В. Хурсік быў прысужаны да адміністрацыйнага арышту на 15 сутак.

Паводле сп. Анішчанкі, праваслаўны сьвятар айцец Леанід (Акаловіч) цяпер вымушаны хавацца, а яго родных увесь час турбуюць пытаньнямі пра яго месцазнаходжаньне.

Нагадаем, што ўсталяваны 19 красавіка 2008 году крыж быў выкапаны невядомымі праз чатыры дні. Палітыку Вячаславу Сіўчыку, які таксама прысутнічаў у часе ўсталяваньня крыжа, далі 15 сутак арышту. Яму інкрымінавалі «арганізацыю кілямэтровай калёны са сьцягамі» ў Старых Дарогах.

Сямён Печанко

0
Filifionka / Адказаць
15.05.2008 / 14:00
Во, пацярпеў сп. Хурсік за праўду. Маё глыбокае шанаваньне й захапленьне. Прашу ўсіх, хто чытае мой камэнтар, памятаць таксама пра вёску Якімавічы на Слонімшчыне, зьнішчаную савецкімі партызанамі. Фільм пра тое зьняла ў 1998 г. Тацяна Дубавец. Сьведка памёр у 2000-м. Справядлівасьці не дамогся, забойцы памерлі як слаўныя вэтэраны з ордэнамі па самыя геніталіі. Але фільм ёсьць. Усё зафіксавана. А старадароскаму начальству і міліцыянтам варта нагадаць, што Сьв. Павел таксама быў вэртыкальшчык і чыноўнік, ішоў супраць крыжа, але перадумаў. Пайшоў за праўдаю і даў запавет ня браць удзелу ў справах цемры, але выкрываць яе. Трохі патасна пішу, праўда? Але гэта неабходна памятаць.
0
Якімавічы / Адказаць
15.05.2008 / 20:42
Прашу ўсіх, хто чытае мой камэнтар, памятаць таксама пра вёску Якімавічы на Слонімшчыне, зьнішчаную савецкімі партызанамі. ----------- Якімавічы - зноў каталіцкая вёска?! "Альбярцінскі кляштар быў закрыты, а парафія ліквідаваная. Намесьнік Неманцэвіча айцец Леў Гарошка вымушаны быў пакінуць Альбярцін і выехаць у Баранавічы, а пасьля на эміграцыю. Вядомы трагічны лёс яшчэ аднаго сьвятара з вуніяцкага цэнтру ў Альбярціне — Аляксандра Турука. Ён жыў у вёсцы Якімавічы і ўлетку 1943 году разам зь сям’ёй быў расстраляны савецкімі партызанамі.."
Каб пакінуць каментар, калі ласка, актывуйце JavaScript у наладах свайго браўзеру