05.06.2016 / 17:52

Швейцарцы адхілілі ідэю ўвядзення безумоўнага базавага даходу 7

Паводле першых папярэдніх падліках, 72% удзельнікаў рэфэрэндуму, на якім абмяркоўвалася ўвядзенне ББД, прагаласавалі супраць гэтай ідэі. Яе ініцыятары, тым не менш, кажуць пра сенсацыйны поспех.

У Швейцарыі завяршыўся рэферэндум, адным з пытаннем якога было ўвядзенне ў краіне безумоўнага базавага даходу (ББД).

78% удзельнікаў плебісцыту прагаласавалі супраць — пра гэта сведчаць першыя папярэднія падлікі, апублікаваныя інстытутам вывучэння грамадскай думкі gfs.bern па замове швейцарскай нацыянальнай грамадскай тэлерадыёкампаніі SRG.SSR. Ідэю ўвядзення ББД падтрымалі 22% грамадзян.

«Сенсацыйны поспех»

Нягледзячы на тое, што пераважная большасць швейцарцаў адкінулі гэтую перспектыву, яе аўтары заявілі аб «сенсацыйным поспеху». У інтэрв'ю выданню Spiegel Online ініцыятары правядзення рэферэндуму заявілі, што для іх, у першую чаргу, было важна не ўхваленне большасці, а ўцягванне ў дыскусію як мага большай колькасці жыхароў.

«22% галасоў — гэта значна больш таго, на што мы разлічвалі, — падкрэсліў Даніэль Хэні, прэс-сакратар ініцыятыўнай групы, якая выступіла за правядзенне ўсеагульнага галасавання. — Гэта значыць, што дыскусія выходзіць на міжнародны ўзровень».

Апошнія апытанні пацвярджаюць меркаванне аўтараў ініцыятывы: 62% швейцарцаў лічаць, што тэма ўвядзення БДД, нягледзячы на тое, што яе адпрэчыла пераважная большасць, будзе абмяркоўвацца ў краіне і далей. Нават сярод тых, хто прагаласаваў супраць, 53% вераць у працяг дэбатаў на гэтую тэму. 69% упэўненыя, што пры паўторным галасаванні у ідэі безумоўнага базавага даходу будзе больш прыхільнікаў, і толькі 24% перакананыя, што гэтае пытанне можна лічыць закрытым.

Паводле задумы ініцыятараў увядзення БДД, кожны дарослы мог бы штомесяц разлічваць на 2260, а дзіця - на 565 еўра ў пераліку. Дадзеную суму атрымлівалі б беспрацоўныя грамадзяне, з заробку працуючых людзей гэтая частка адымалася б і адразу ж замянялася сумай, эквівалентнай БДД.

0
а то! / Адказаць
05.06.2016 / 18:43
Умная нация - это прежде всего не иждивенцы! Дурная нация - абсолютные иждивенцы. Будь у нас это голосование, 154% были бы за то, чтобы иметь такой базовый доход (2260 евриков )и сидеть на шее у тех, кто работает и зарабатывает. "Страшно далеки они (мы) от (умного) народа" (с) Ульянов
0
tumash / Адказаць
05.06.2016 / 18:49
Як прыклад рэалізаванай праграмы - краіны Персідскага заліву. Вынік - разбэшчанае мясцовае насельніцтва з зашкальваючым пачуццём уласнага гонару, якое нідзе не працуе і не імкнецца да атрымання адукацыі, а ўсе працы ад рабочых да "белых каўнерыкаў" выконваюцца прыезджымі замежнікамі.
0
Генэрал Голад / Адказаць
05.06.2016 / 20:16
tumash, нацыянал-сацыялізм? ;)
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру