Навукоўцы з Кембрыджскага універсітэта высветлілі, што келіхі вялікага памеру могуць заахвоціць людзей піць больш алкаголю.
Getty
Прычынай гэтага можа быць ілюзія, што колькасць спіртнога меншая, чым ёсць на самой справе, перадае Lenta.ru. Нядаўні агляд навуковых прац, выкананы міжнароднай арганізацыяй Cochrane Collaboration, паказаў, што памер і аб'ём посуду павялічвае спажыванне прадуктаў харчавання і безалкагольных напояў. Аднак падобны эфект не быў прадэманстраваны для спіртнога.
Каб праверыць, ці ўплывае на колькасць выпітага алкаголю памер келіхаў, навукоўцы павялі даследаванне ў адной з крам спіртнога ў Кембрыджы.
Крама прадае віно, разлітае ў келіхі стандартным аб'ёмам у 300 мілілітраў. Адна порцыя напою складае 125 або 175 мілілітраў. На працягу 16 тыдняў уладальнікі установы мянялі памер келіхаў раз на два тыдні, чаргуючы малы аб'ём (250 мілілітраў), стандартны і вялікі (370 мілілітраў). Аб'ём самога віна ў келіху заставаўся ранейшым.
Даследчыкі выявілі, што штодзённы аб'ём набытага віна быў прыкладна на 9,4% вышэйшы, калі спіртное прадавалася ў вялікіх келіхах, чым у стандартных. Пры гэтым колькасць прадаванага алкаголю ў малых келіхах не адрознівалася ад той, што падавалася ў стандартным аб'ёме. Навукоўцы патлумачылі гэта тым, што большы памер посуду змяняе візуальнае ўспрыманне колькасці віна, прымушаючы людзей думаць, што яны п'юць менш чым звычайна.
Спажыванне алкаголю з'яўляецца адным з асноўных фактараў рызыкі развіцця такіх захворванняў, як цукровы дыябет другога тыпу, рак і парушэнне функцый печані.
