16.05.2008 / 11:29

Украіна далучылася да СГА 3

Сёньня Ўкраіна стала 152‑м членам Сусьветнай гандлёвай арганізацыі (СГА).


Сёньня Ўкраіна стала 152‑м членам Сусьветнай гандлёвай арганізацыі (СГА).

За чатырнаццаць гадоў перамоў Украіна прайшла складаны шлях эканамічных і структурных рэформаў трансфармацыі ад адміністрацыйна‑плянавай да рынкавай эканомікі. Давялося правесьці двухбаковыя перамовы з 52 краінамі‑членамі СГА, прыняць больш за 50 законаў для адаптацыі ўкраінскага заканадаўства да вымогаў СГА.

Цяпер Украіна атрымала спрыяльны гандлёвы рэжым у адносінах з 151 краінай, магчымасьць выкарыстоўваць міжнародныя інструмэнты вырашэньня гандлёвых спрэчак, непасрэдна браць удзел у распрацоўцы й фармаваньні правілаў міжнароднага гандлю.

СГА — гэта аб’яднаньне дзяржаў, накіраванае на распрацоўку й падтрымку сыстэмы юрыдычных нормаў міжнароднага гандлю. Членамі СГА зьяўляюцца 152 краіны, якія ажыцьцяўляюць больш за 97% сусьветнага гандлёвага звароту. Яшчэ каля 30 краін вядуць перамовы пра ўступленьне ў арганізацыю.

Галоўнымі задачамі гэтага аб’яднаньня ёсьць лібэралізацыя міжнароднага гандлю, забесьпячэньне яго справядлівасьці й прадказальнасьці, спрыяньне эканамічнаму росту й павышэньню дабрабыту людзей.

Паводле ЛIГАБiзнесIнформ

Глядзі яшчэ:
Чым гэта пагражае Беларусі і калі нашая краіна далучыцца да СГА?

0
Саянаў / Адказаць
16.05.2008 / 11:39
Украіну не спыніць! Наступны крок - НАТО ! У Масквы не засталося рычагоў, каб уплываць на хаду падзеяў ва Ўкраіне.
0
Левы нацыяналіст / Адказаць
16.05.2008 / 18:26
Мой стрыечны брат быў у Кіеве, дык яго ўразіла, што на рынак прыяжджаюць у т.л. на хамэрах
0
vaukalak / Адказаць
16.05.2008 / 20:16
vos' skinece Lukashenku i na belaruskiia kirmaszy, jakiia zaimuc' badai usiu svabodnuiu terytoryiu Belarusi, sapraudy pryeduc' dzesiatki tysiaczau xamerau, vos' tolki u kabinax ixnyx siadzec'muc' ne belarusy.
Каб пакінуць каментар, калі ласка, актывуйце JavaScript у наладах свайго браўзеру