12.06.2016 / 20:55

Бацька стралка з Арланда: Мужчыны цалаваліся і абдымаліся на вачах яго жонкі і сына Дададзена фота злачынцы 17

Бацька стралка з Арланда спрабуе растлумачыць напад сына на начны гей-клуб, у выніку якога былі забітыя 50 чалавек, яшчэ 53 атрымалі раненні.

Амар Мацін (Omar Mateen), які ўчыніў стральбу ў гей-клубе ў Арланда, мог пайсці на гэта з прычыны таго, што некалькі месяцаў таму бачыў у Маямі, як цалуюцца мужчыны. Пра гэта NBC News распавёў бацька стралка Мір Садык (Mir Seddique).

Omar Mateen. Photo: MySpace

Паводле яго, Мацін моцна раззлаваўся, бо мужчыны цалаваліся і абдымаліся на вачах яго жонкі і сына.

Мір Сэдзік дадаў, што хоча папрасіць прабачэння за ўчынак сына. Ён дадаў, што тое, што адбылося, не мае дачынення да рэлігіі.

Пакуль паліцыя не гаворыць пра тое, што Мацін вызнаваў іслам. Аднак мусульманскія арганізацыі ЗША ўжо паспелі асудзіць тое, што адбылося ў Арланда.

Фота EPA/Univision Florida Central

29-гадовы Мацін прыйшоў у клуб з пісталетам і вінтоўкай AR-15, зброяй ён валодаў легальна. NBC News удакладняе, што мужчына працаваў у ахоўнай структуры.

Стралок Амар Мацін напаў на начны гей-клуб у Арланда, штат Фларыда, у ноч на 12 чэрвеня. Злачынец, узброены вінтоўкай і пісталетам, зачыніўся разам з некалькімі закладнікамі ў клубе. На месца здарэння прыбылі 70 паліцэйскіх машын, сапёры і спецназ. Стралок быў ліквідаваны ў выніку працяглай перастрэлкі з паліцыяй, толькі пасля гэтага спецназ вызваліў закладнікаў. У выніку нападу былі забітыя 50 чалавек, яшчэ 53 атрымалі раненні.

Амерыканскія СМІ назвалі стральбу ў Арланда найбуйнейшай у гісторыі ЗША па колькасці ахвяр. USA Today прыводзіць дадзеныя аб масавых забойствах пачынаючы з 1966 года, калі былы марпех расстраляў ў Тэхасе 16 чалавек, перш чым быў ліквідаваны паліцыяй.

У красавіку 2007 года 23-гадовы студэнт учынііў стральбу ў Політэхнічным універсітэце Вірджыніі, забіўшы 32-х чалавек. Пасля гэтага ён наклаў на сябе рукі.

У снежні 2012 года Адам Лэнза (Adam Lanza) 1992 года нараджэння прыехаў у мясцовую пачатковую школу Сэндзі-Хук, і на працягу некалькіх хвілін расстрэльваў дзяцей і настаўнікаў, пасля чаго пакончыў з сабой. Тады загінулі 20 дзяцей і шэсць дарослых.

У кастрычніку 1991 года 35-гадовы Джордж Хэнард заехаў на сваім пікапе ў вітрыну кафэ ў Тэхасе і адкрыў стральбу. Ён забіў 23-х чалавек і здзейсніў самагубства.

0
Alcoholic Rattlesnake / Адказаць
12.06.2016 / 21:11
А ў чым праблема з рэлігіяй? Калі яна забараняе цалавацца з людзьмі свайго полу, дык хай вернікі не робяць гэтага, няма праблемы. Да чаго тут іншыя людзі? Ніколі не разумеў.
0
askrealp / Адказаць
12.06.2016 / 21:23
Жонка кажа, што бiŷ яе без прычыны ( значыць не цалавалася з жанчынай). Падаецца, нейкI nut case, з узбраеннем. Можа каб Абама яшчэ раз аб небяспечнасцI зброI супраць права мець яе нагадаŷ, каб паверыць яму, што сапраŷды яго блакуююць? Таксама кажацца, што амерыканцамI, што ŷчынiць тэрарыстычны акт не трэба быць тэрарыстам з сувязямI да фiзiчнай арганiзацыI, дастаткова мець сымпатыI да курсу IД, мець iнтэрнэт I зброю, таму пакуль з першымI дзвумя нельга змагацца, законам можна забаранiць легальнае набыццё зброI.
0
тутэйший / Адказаць
12.06.2016 / 21:23
"з прычыны таго, што некалькі месяцаў таму бачыў" я где-то постоянно читаю коменты на такую тему...
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру