20.06.2016 / 19:27

Германія паказала прататып сваёй найноўшай БМП Lynx 17

На міжнароднай выставе ўзбраення і ваеннай тэхнікі Eurosatory 2016 канцэрн Rheinmetall прэзентаваў новую баявую машыну пяхоты Lynx, якая стане асновай для цэлай сям'і новых машын.

БМП добра абароненая і цяжка ўзброеная - стабілізаванай 35-мм аўтаматычнай пушкай, 7,62-мм кулямётам, кіраванымі супрацьтанкавымі ракетамі. Пры гэтым розная зброя можа атакаваць адначасова розныя цэлі - камандзір і наводчык могуць весці агонь незалежна адзін ад аднаго.

Модульная сістэма пабудовы БМП дазволіць на яе базе зрабіць таксама бронетранспарцёр, рамонтна-эвакуацыйныя, браніраваныя медыцынскія, выведныя баявыя і камандныя машыны.

janes.com

«Lynx — новае модульнае сямейства машын, якія прапануюць нашым кліентам самыя высокія стандарты трываласці, мабільнасці, агнявой моцы», — цытуе сайт кампаніі Бена Хадсана, кіраўніка аддзялення Rheinmetall Vehicle Systems. 

Экіпаж забяспечаны сістэмай лічбавай сувязі, камп’ютарам кіравання агнём, дысплэі даюць магчымасць назіраць за сітуацыяй на 360 градусаў. Ёсць лазерныя сістэмы папярэджання аб абстрэле і акустычная сістэма пошуку варожых снайпераў.

Максімальная хуткасць даволі цяжкай (у залежнасці ад варыянта - да 44т) машыны - больш за 70 км/г.

Аляксандр Гелагаеў

Хочаш падзяліцца важнай інфармацыяй ананімна і канфідэнцыйна?

0
Быхов / Адказаць
20.06.2016 / 19:58
Германия так и осталась лидером в военных разработках.Если б их не сдерживали,они б создали недосягаемое оружие.Кстати Калаш тоже они разработали.
0
leha / Адказаць
20.06.2016 / 20:31
усе так. самыя лепшыя сфероидныя мехи у штайнера
0
Жвіp / Адказаць
20.06.2016 / 21:00
Быхов, Кстати Калаш тоже они разработали. =============== Nie "jany" raspracavali, a "jon", budučy vajennapalonnym u savieckim zniavolieņni.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру