20.06.2016 / 22:38

У Міжземнамор'і распаўсюджваецца ядавітая рыба з Карыбаў 4

Папуляцыя ядавітай рыбы-крылаткі распаўсюджваецца па ўсходняй частцы Міжземнага мора, падбіраючыся да Турцыі і Кіпра. Акрамя мясцовай марской фауны яны небяспечныя і для чалавека, папярэджваюць эксперты.

phys.org

Як паведамляюць у Міжнародным саюзе аховы прыроды, ядавітая рыба нядаўна была ўпершыню заўважаная ля берагоў Турцыі. «Гэта даказвае, што рыба распаўсюджваецца, а гэта — падстава для заклапочанасці», — сказала ў гутарцы з агенцтвам Асашыэйтэд прэс прадстаўнік саюза Марыя дэль Мар Атэла.

На думку экспертаў, распаўсюджванне крылаткі можа аказаць моцнае негатыўнае ўздзеянне на марскую экасістэму рэгіёну і на мясцовую эканоміку, важнай часткай якой з'яўляецца рыбны промысел.

Натуральным арэалам пражывання рыбы-крылаткі з'яўляецца Карыбскі басейн. Назіранне за ростам яе папуляцыі вядзецца з канца 1990-х гадоў. У групы, якая назірае за крылаткай, ёсць адмысловы сайт.

Укол джала рыбы-крылаткі можа быць балючым і нават смяротным для чалавека. Нават акулы ў масе сваёй імкнуцца пазбягаць крылатак.

Хочаш падзяліцца важнай інфармацыяй ананімна і канфідэнцыйна?

1
bhagawan / Адказаць
20.06.2016 / 22:59
чаму не "атрутных"?
0
Юры з-пад Дворышча / Адказаць
21.06.2016 / 12:04
bhagawan, Таму шта Наша Ніва :)
1
Генэрал Голад / Адказаць
21.06.2016 / 15:46
РЭДАКЦЫЯ!!!!! Я атруціўся вашай "ядавітай" рыбай. :(( Рэд. Калі вы не ўлоўліваеце семантычную розніцу паміж словамі "яд" і "атрута", зазірніце ў слоўнікі.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру