20.06.2016 / 23:49

Зборная Расіі з трэскам вылятае з Еўра-2016 30

Расія – Уэльс – 0:3.

Гарэт Бэйл (у чырвоным) і Дзяніс Глушакоў. Фота uefa.com.

У гэтай гульні зборнай Расіі патрэбна была толькі перамога. У выпадку нічыі наша суседка вылятала б з Еўра.

Аднак Расіі да нічыі ў гэты вечар было вельмі-вельмі далёка. Ужо на 11-ай хвіліне фарбаваны бландзін з «Арсенала» Аарон Рэмзі выскачыў адзін на адзін з Ігарам Акінфеевым і адкрыў лік.

Аарон Рэмзі. Фота uefa.com.

Амаль адразу Расія атрымала і другую поўху, на 20-ай хвіліне адзначыўся Тэйлар.

Не толькі лік на табло, але і сама гульня зборнай Расіі была жахлівай. Першы тайм па ўдарах у створ варот скончыўся з лікам 8:2 на карысць Уэльса. Расію ратаваў толькі Акінфееў.

У другім тайме трэнер расіян Леанід Слуцкі памяняў Васіля Беразуцкага на Аляксея Беразуцкага, у гэты вечар братам спаўнялася 34 гады, аднак такія меры нічым не дапамаглі.

Гульня абсалютна не змяніла свой рысунак. Расіяне лічаныя разы турбавалі ўладанні Уэйна Хэнэсі.

А вось валійцы маглі зрабіць лік непрыстойна буйным. Аднак у другім тайме адзначыўся толькі Гарэт Бэйл, тым самым ён выйшаў у найлепшыя бамбардзіры Еўра, — 0:3.

На Радзіме цяпер зборную Расіі чакае недзіцячы разбор палётаў, а таксама крытыка ад спецыялістаў і звычайных заўзятараў. Еўра-2016 Расія скончыла з 1 пунктам (нічыёй з Англіяй, а таксама паразамі ад Славакіі і Уэльса).

У другім матчы групы Славакія і Англія падзялілі пункты – 0:0.

Становішча ў групе B: Уэльс – 6 пунктаў, Англія – 5, Славакія – 4, Расія – 1.

Славакам амаль дакладна павінна хапіць 4 пунктаў для выхаду ў стадыю плэй-оф.

Зміцер Панкавец

0
адекватный человек / Адказаць
20.06.2016 / 23:53
ахахахаахай, ещё раньше украинцев полетели, как я и говорил.. калдыри, на чемпионаткоме все скулы порвали, когда стало известно, что украинцы домой поедут первые, а тут уэльсу так влетели, что просто ...... ДАже влёт северной ирландии не настолько позорен, фу, беззубые портовые ........... p.s. Евсееву привет от Гаррета. )
0
Анатоль Сідарэвіч / Адказаць
20.06.2016 / 23:55
Бог пачуў маю ранішнюю просьбу і блаславіў кімраў! Слава кімрам!
0
VialikiRazumnik / Адказаць
20.06.2016 / 23:57
А заўтра расейцы будуць гугліць дзе знаходзіцца Ўэльс.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру