У Кіраўскім раёне забілі маладога мужчыну, каб скрасьці яго аўтамабіль. У дачыненьні да злачынства падазраецца вучань 10‑й клясы.
А 6‑й гадзіне раніцы 17 траўня ў вёсцы Новыя Дваранінавічы
ў меліярацыйным канале знайшлі цела 22‑гадовага рабочага СВК «Чырвоны баец». Ён памёр гвалтоўнай сьмерцю — на целе былі рэзаныя раны. Празь дзьве гадзіны ў Бабруйску супрацоўнікі ДАІ затрымалі двух чалавек, якія спрабавалі прадаць аўтамабіль «Сітраен‑Ксанція» 1995 года выпуску, які належаў забітаму вяскоўцу.
Падазраюцца ва ўчыненьні злачынства 22‑гадовы мужчына, які нідзе не працуе, і вучань 10‑й клясы вясковай школы, якому цяпер 17 гадоў. Абодва раней былі асуджаныя за крадзяжы.
0
0
0
0
0
0
