Лукашэнка не сумняваецца ў тым, што народ абярэ годных дэпутатаў у новы склад парламента. Пра гэта ён заявіў, выступаючы на Усебеларускім сходзе. Ён таксама агучыў «прыкладны пералік» з 10 якасцяў добрага дэпутата.
Крытэрыі ацэнкі кандыдатаў розныя, заўважыў кіраўнік дзяржавы, але большасць падтрымае тых, хто валодае наступнымі якасцямі і навыкамі:
- Выступае за суверэнітэт і незалежнасць
- Выступае за мірны эвалюцыйны шлях развіцця
- Выступае за ўздым айчынных прадпрыемстваў
- Валодае прафесіяналізмам, кампетэнтнасцю, здольнасцю вырашаць задачы, якія стаяць перад грамадствам
- Валодае сумленнасцю, прыстойнасцю, уменнем трымаць слова
- Валодае чалавечнасцю, спагадлівасцю, даступнасцю, уменнем камунікаваць, у яго адсутнічаюць фанабэрыя і задавацтва
- Мае досвед паспяховай працы ў той ці іншай сферы
- Мае канструктыўную праграму дзеянняў у якасці дэпутата
- Умее бачыць перспектыву, вылучаць галоўнае і істотнае ў чарадзе будзённых з'яў
- Адданы сваёй дзяржаве і народу
«Гэта прыкладны пералік якасцяў, якія ў грамадскай думцы сфармаваліся ў адносінах да таго, якім павінен быць дэпутат. Шчыра скажу, менавіта такіх людзей і я хацеў бы бачыць у новым складзе парламента», — прызнаўся Лукашэнка.
0
0
0
0
0
0