20.05.2008 / 16:47

Пасол добрай волі ААН Марыя Шарапава наведае забруджаныя радыяцыяй раёны Беларусі 1

Год таму першая ракетка сьвету ахвяравала 100 тыс. даляраў на ажыцьцяўленне праектаў для моладзі ў сельскіх раёнах Беларусі, Расіі і Украіны.


У канцы лета або восенню пасол добрай волі ААН расійская тэнісістка Марыя Шарапава наведае раёны Беларусі, што пацярпелі ад аварыі на ЧАЭС. Дата візіту ўдакладняецца.

Пра гэта БелаПАН паведаміў кіраўнік дэпартамента грамадскай інфармацыі прадстаўніцтва ААН у Беларусі Віктар Радзівіноўскі 20 мая пасля адкрыцця міжнароднай юрыдычнай алімпіяды «Моладзь за мір» у пасёлку Ратамка пад Мінскам.

Паводле яго слоў, чакаецца, што М.Шарапава наведае тыя раёны, на рэабілітацыю якіх яна раней выдзеліла сродкі.

«Я спадзяюся, што візіт Марыі Шарапавай будзе мець рэзананс і прыцягне больш сродкаў донараў на рэабілітацыю чарнобыльскіх раёнаў», — зазначыў В.Радзівіноўскі.

Нагадаем, 14 лютага 2007 года М.Шарапава ахвяравала 100 тыс. долараў на ажыццяўленне васьмі праектаў для моладзі ў сельскіх раёнах Беларусі, Расіі і Украіны, што пацярпелі ад аварыі на Чарнобыльскай АЭС. Ахвяраваныя М.Шарапавай сродкі выкарыстоўваліся для фінансавання праектаў у галіне камп’ютэрызацыі і экалагічнай асветы, аднаўлення спартыўных збудаванняў і бальніц. У верасні мінулага года Фонд Марыі Шарапавай пералічыў яшчэ 30 тыс. долараў на дабрачынныя праекты, што рэалізуюцца ў Брагінскім і Чачэрскім раёнах Беларусі.

Як паведаміў В.Радзівіноўскі, цяпер у пацярпелых ад аварыі на ЧАЭС раёнах ажыццяўляюцца праекты ААН па дыягнастычнай працы з малалетнімі і нованароджанымі, кансультаванні цяжарных жанчын, аснашчэнні дзіцячых гульнявых пляцовак і рэабілітацыйных пакояў.

БелаПАН

Марыя Шарапава - першая ракетка сьвету. Нарадзілася 19 красавіка 1987 г. у сібірскім гарадку Нягань, куды ейныя бацькі пераехалі з Гомеля, ратуючыся ад магчымых наступстваў Чарнобыльскай бяды.

Фота sharapova.ru

0
Бом / Адказаць
21.05.2008 / 04:23
Куды там заср..цы Курнікавай да Шарапавай. Гэта ж асоба. Унушае павагу.
Каб пакінуць каментар, калі ласка, актывуйце JavaScript у наладах свайго браўзеру