23.06.2016 / 13:16

Памерла вярстальніца «Arche» Яўгенія Пліска. Ёй было 33 гады 27

Памерла вярстальніца часопіса «Arche» і іншых беларускіх выданняў Яўгенія Пліска. Ёй было 33 гады.

Фота з фэйсбука Яўгеніі Пліскі

«Гэты нумар [часопіса] — апошні, які пачынала вярстаць (але так і не скончыла) наша нязменная супрацоўніца на працягу пяці гадоў Яўгенія Пліска, выдатны прафесіянал і ўвогуле цудоўная ва ўсіх адносінах дзяўчына. Выхад нумара ў свет толькі на пару дзён размінуўся з днём яе смерці ад цяжкой невылечнай хваробы. Хай ёй ТАМ будзе добра. А нам ТУТ будзе вельмі яе не хапаць», — напісаў у сваім фэйсбуку намеснік галоўнага рэдактара, гісторык Алесь Пашкевіч.

Яўгенія захварэла на рак у канцы мінулага года. Хваробу выявіла на позняй стадыі, і яна не паспела нават прайсці хіміятэрапію.

Яна была дачкой аднаго з заснавальнікаў Аб'яднанай грамадзянскай партыі, палітолага, юрыста Міхаіла Пліскі.

Толькі ў Arche праз яе рукі прайшло 35 кніг і выпускаў, а колькі ў іншых выдавецтвах. Яна была адным са сціплых анёлаў беларускай культуры.

«Наша Ніва» выказвае спачуванні родным і калегам Яўгеніі.

АГ

0
Шкада / Адказаць
23.06.2016 / 13:31
Спачуваннi родным i знаёмым Яўгеніі. Божа, нашто ты забiраешь цудоуных маладых Беларусау?
0
Uladzimir / Адказаць
23.06.2016 / 13:40
Мае спачуванні родным і сябрам Яўгеніі. Сумна калі ад нас сыходзяць вартыя людзі.
0
Алесь / Адказаць
23.06.2016 / 13:53
Вельмі шкада. Варты чалавек. Шчырыя спачуваньні.
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру