 |
Хлопца судзілі па артыкулу 23.34 Адміністрацыйнага кодэксу (парушэньня правядзеньня масавых мерапрыемстваў) за акцыю 1 траўня ля Нацыянальнай бібліятэкі. Тады міліцыя за спробу ўзьняць на сьвяткаваньні афіцыйнага Першамаю сьцягі Эўрасаюзу затрымала каля трыццаці чалавек. Мікалая Статкевіча адразу асудзілі на дзесяць сутак арышту, а іншых вызвалілі з патрабаваньнем зьяўляцца ў суд па першых жа позвах.
Пра прысуд — 7 сутак — Фінькевіч даведаўся зь пісьмовага паведамленьня, якое прыйшло яму з суду дадому. Магчыма, акурат з гэтым судом зьвязанае тое, што Артура зрабілі невыязным з краіны.
Лідэр «Маладога фронту» Зьміцер Дашкевіч таксама ведае, што над ім адбыўся суд, але пакуль ня ў курсе вынесенага пакараньня. Працэс над Зьмітром Хведаруком яшчэ не прайшоў.
