26.06.2016 / 23:49

Венгрыя давала бой Бельгіі, пакуль не развалілася ўшчэнт напрыканцы матча 3

Зборная Венгрыя паказала ўсё, што магла, у матчы з Бельгіяй, але гэтага казалася недастаткова для выхаду ў чвэрцьфінал. «Усё, што магла» — гэта перадусім настрой на гульню, бо клас бельгійцаў быў нашмат вышэйшым.

Бельгія адкрыла лік ужо на пачатку гульні. На 10-й хвіліне пасля навеса з фланга адзначыўся абаронца Тобі Алдэрвейрэлд.

Бельгійцы дазвалялі суперніку кантраляваць мяч, але наносілі стрэлы ў адказ у імклівых контратаках. Найлепшым выглядаў Эдэн Азар, спыніць якога ўдавалася толькі з парушэннем правілаў. Некалькі разоў Венгрыю выратаваў Габар Кірай — той самы варатар у смешных штанах.

Аднак да канца гульні венграм не хапіла сілаў. На 78-й і 80-й хвілінах Азар зрабіў два галы. Спачатку выкаціў мяч пад удар Мішы Бачуаю, які забіў літаральна праз хвіліну пасля выхаду на замену. А ў наступнай атацы Азар эфектным ударам паставіў кропку сам.

Эдэн Азар.

Нарэшце, у кампенсаваны час забіў Янік Караска. 4:0 — самы буйны лік на гэтым чэмпіянаце.

Венграм застаецца падзякаваць па ўдалы выступ на Еўра — яны і так скочылі вышэй за галаву.

А бельгійцаў чакае чвэрцьфінал з Уэльсам, а пасля, магчыма, паўфінал з Партугаліяй ці Польшчай.

З такой гульнёй, як у матчы з Венгрыяй, бельгійцам не будзе страшны ніводзін супернік.

БЮ

0
Cliche committee / Адказаць
26.06.2016 / 23:57
Чырвоныя д'яблы-наперад!!!
0
Denver / Адказаць
27.06.2016 / 00:07
У вугорцаў -- брудная гульня. Акрамя фалоў і жаданьня гуляць там нічога няма.
0
а / Адказаць
27.06.2016 / 16:47
Финал с немцами гулять будут!
Каб пакінуць каментар, калі ласка, актывуйце JavaScript у наладах свайго браўзеру