 |
23 траўня ў сувязі з правядзеньнем у Менску пасяджэньня Савету кіраўнікоў урадаў дзяржаў-удзельніц СНД будуць дзейнічаць абмежаваньні на рух транспарту.
Як паведамілі ва ўпраўленьні ДАІ ГУУС Мінгарвыканкаму, абмежаваньні будуць уведзены на аўтадарозе М2 «Менск — Нацыянальны аэрапорт «Менск» з 9.00 да 11.30; на ўчастку праспэкту Незалежнасьці ад вуліцы Сьвярдлова да вуліцы Каліноўскага з 11.00 да 12.00; на ўчастку праспэкту Незалежнасьці ад вуліцы Філімонава да Нацыянальнага аэрапорту «Менск» з 16.00 да 19.00.
Дзяржаўтаінспэкцыя рэкамэндуе вадзіцелям выкарыстоўваць у згаданы час для аб’езду закрытых участкаў дарогі наступныя варыянты: па вуліцы Філімонава, Скарыны на МКАД; па вуліцы Філімонава, Кедышкі, Каліноўскага на МКАД; па вуліцы Філімонава, Кедышкі, Сядых, Карбышава, Лагойскім тракце на МКАД.
Сталічнае ДАІ прыносіць прабачэньні за часовыя нязручнасьці.
Паглядзець на мапе 
