29.06.2016 / 15:15

Славуты ўкраінскі оперны спявак Васіль Сліпак загінуў у Данбасе 12

Вядомы ўкраінскі оперны спявак Васіль Сліпак загінуў на ўсходзе Украіны, паведаміў у твітары пастаянны прадстаўнік Украіны пры Радзе Еўропы Дзмітрый Кулеба.

Фота з фэйсбука Юрыя Бутусава

«На Данбасе ў зоне АТА, абараняючы Украіну ад расійскай агрэсіі, загінуў сапраўдны ўкраінскі патрыёт, змагар за сваю Радзіму, вядомы ўкраінскі оперны спявак Васіль Сліпак», — гаворыцца ў заяве Міністэрства культуры Украіны.

Як удакладніў журналіст Юрый Бутусаў, Сліпак загінуў пад Данецкам, змагаючыся ў шэрагах «Правага сектара».

«Схілім галаву, грамадзяне. Вялікі украінец загінуў сёння, абараняючы Радзіму і кожнага з нас …», — напісаў Бутусаў на сваёй старонцы ў фэйсбуку.

Васіль Сліпак на Майдане ў Кіеве падчас развітання з байцамі «Правага сектара», загінулымі 11 чэрвеня 2016 на шахце Бутаўка, фота з фэйсбука Юрыя Бутусава

Сліпак, ураджэнец Львоўскай вобласці, пасля 19 гадоў працы ў Францыі летам мінулага года вярнуўся ва Украіну і ўступіў у шэрагі сёмага асобнага батальёна арганізацыі «Правы сектар».

У Францыі Сліпак спяваў у «Гранд-Апера», «Атэней», Опера «Бастылія», а таксама ў оперных тэатрах гарадоў Масі, Ліёна і Сен-Эцьена.

0
Анатоль Сідарэвіч / Адказаць
29.06.2016 / 15:54
Шэф-рэдактар у НН "француз".Ён пацвердзіць, што трэба пісаць СенТ-Эцьен (святы Сцяпан па-нашаму).
0
против орды / Адказаць
29.06.2016 / 15:58
Антон па-нашаму.
0
Анатоль Сідарэвіч / Адказаць
29.06.2016 / 16:03
А вось тут паслухайце, як спяваў св. памяці Васыль Сліпак: https://www.youtube.com/watch?v=E9iGbQKtFmE Вечная памяць.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру