Урад Чэхіі не мае намеру праводзіць рэферэндум ні па выхадзе краіны з Еўрапейскага саюза, ні па спыненні сяброўства ў НАТА, заявіў прэм'ер-міністр Багуслаў Саботка.
Раней сёння прэзідэнт Чэхіі Мілаш Земан выступіў з ініцыятывай рэферэндуму па выхадзе краіны са складу ЕС і Паўночнаатлантычнага альянсу.
Разам з тым ён заявіў на сустрэчы з грамадзянамі горада Вельке-Мезіржычы, што падтрымлівае сяброўства Чэхіі ў абедзвюх арганізацыях. У прыватнасці, Земан адзначыў, што ён «не згодны з тымі, хто выступае за выхад з Еўрасаюза», аднак гатовы «зрабіць усё, каб яны змаглі выказаць сваю пазіцыю» на рэферэндуме. «Тое ж самае тычыцца выхаду з НАТА», — падкрэсліў кіраўнік дзяржавы.
Прэзідэнт Чэхіі не валодае правам склікання рэферэндуму, для яго правядзення патрабуюцца папраўкі ў канстытуцыі краіны. Аднак ён — уплывовы палітык у дзяржаве, многія грамадзяне якога скептычна настроеныя ў адносінах да ЕС, адзначае агенцтва Reuters.
Паводле апытанняў грамадскай думкі ў Чэхіі ў 2016 годзе, толькі чвэрць удзельнікаў задаволеныя сяброўствам краіны ў Еўрасаюзе. Годам раней такіх рэспандэнтаў была траціна.
