Тэмпературны рэкорд 101-гадовай даўніны абнавіўся ў першы дзень ліпеня ў Мінску.
Слупок тэрмометра падняўся да адзнакі 31,8 градуса цяпла. Ранейшы рэкорд дня складаў 31 градус (зафіксаваны 1 ліпеня 1915 года).
Абнавіўся максімум у Магілёве — плюс 30,2 (было 28,9 ў 2014 годзе). У Гомелі паўтораны рэкорд, зарэгістраваны ў 2010 годзе, — 30,6.
Цяплей за ўсё было ў Пінску — 33,2. Тут таксама пабіты рэкорд 101-гадовай даўнасці (31,5).
Рэкорд дня для ўсёй краіны ўстаяў (33,4 градуса ў 2012 годзе ў Брэсце).
Як паведамлялася раней, 25 чэрвеня ў Мінску абнавіўся тэмпературны рэкорд 102-гадовай даўніны.
2 ліпеня ў сталіцы чакаецца 30-32 градусы. Рэкорд дня — 30,7 (адзначаны ў 1938 годзе).
(Выкарыстаныя аператыўныя і архіўныя дадзеныя рэсурсаў meteoinfo.by і hmc.by.)