23.05.2008 / 10:45

Унікальная знаходка пад каўшом экскаватара 1

Падчас земляных работ у цэнтры Глыбокага на трохмэтровай глыбіні была знойдзена расколатая кафля XVII стагодзьдзя з выявай гербу кармэлітаў — адзіная знаходка гербавай кафлі ў Глыбокім за апошнія гады.


Падчас земляных работ у цэнтры Глыбокага на трохмэтровай глыбіні была знойдзена расколатая кафля XVII стагодзьдзя з выявай гербу кармэлітаў — адзіная знаходка гербавай кафлі ў Глыбокім за апошнія гады.

Земляныя работы ў самым цэнтры Глыбокага прынесьлі вельмі каштоўную і ўнікальную знаходку. На трохмэтровай глыбіні была знойдзена расколатая кафля XVII стагодзьдзя з выявай гербу кармэлітаў. Варта адзначыць, што пакуль гэта адзіная знаходка гербавай кафлі ў Глыбокім за апошнія гады.

Тое, што культурны слой пад цэнтральнай плошчай Глыбокага ўяўляе археалягічную і гістарычную каштоўнасьць спрабуюць даказаць мясцовыя аматары даўніны. Прапанова ўзяць пад ахову гэтую частку зямлі дзеля дасьледваньня археолягамі была занатаваная ў калектыўным звароце ў раённы выканаўчы камітэт і Савет дэпутатаў. У адказе чыноўнікі заявілі, што пра наяўнасьць культурнага пласту няма дакумэнтальных пацьверджаньняў.

Цяпер у цэнтры распачаліся земляныя работы. На зрэзе добра бачна, што засталіся некранутыя кавалкі культурнага слою, якія утрымліваць носьбіты матэрыяльнай культуры XII — XIX стагодзьдзяў. Уласнымі намаганьнямі неабыякавыя глыбачане выратоўваць з‑пад каўша экскаватара тое, што можна страціць назаўсёды.

Паводле Westki.info

Хочаш падзяліцца важнай інфармацыяй ананімна і канфідэнцыйна?

0
Scooter / Адказаць
23.05.2008 / 12:52
Ну што за ідыёцкая звычка тупа капіяваць і ў стаўляць тэксты, ў якіх першыя 2 абзацы дублююць адзін аднаго? Гэта ж так напружвае! Я канешне разумею, што аффтарам плацяць за аб\'ём тэкстаў, вось і выёжываюцца, каб наліць пабольш вады, але нафіга гэта перадрукоўваць у іншых выданьнях??? Паважаная Рэдакцыя, калі ласка, не дублюйце першыя абзацы!!! Навошта нам па сто разоў чытаць адно і тое ж?!!!
Каб пакінуць каментар, калі ласка, актывуйце JavaScript у наладах свайго браўзеру