Мінчукі Уладзімір Падгол і Алесь Таўстыка арганізавалі акцыю, прысвечаную Дню Незалежнасці ЗША.
«У гэты дзень мы хочам зладзіць дэманстрацыю і распаўсюд сцягоў ЗША, тым самым выказваючы сваю пашану цудоўнай краіне і нашым сябрам, якія жывуць там. Вы можаце разам са сваімі дзецьмі намаляваць амерыканскія сцяжкі і прыйсці да ратушы з імі. Можаце проста пагаманіць з намі: абмяркаваць як лепей адзначыць свята нашых сяброў з ЗША», — заклікалі напярэдадні людзі ў сацсетках.
Да Ратушы прыйшлі таксама лідар «Маладога фронту» Зміцер Дашкевіч, маці Вячаслава Сіўчыка Галіна. У прамовах удзельнікі акцыі падзякавалі ЗША за дапамогу па лэндлізе падчас Другой сусветнай вайны.
Агулам за дзесяццю ўдзельнікамі акцыі сачыла 9 людзей у цывiльным, двое з якiх фiксавалi тое, што адбываецца, на вiдэа. Падчас акцыi не было складзена нiводнага пратакола.
Уладзімір Падгол усталяваў на сцэне завадны грамафон і спрабаваў уключыць пласцінку з мелодыямі Луі Армстранга
Алесь Лагвінец і Алесь Таўстыка абмяняліся подпісамі за рэгістрацыю кандыдатам на парламенцкія выбары
Чалавек у цывільным схаваўся ад дажджу і здымаў удзельнікаў з бліжэйшай кавярні