09.07.2016 / 09:32

Бойня ў Даласе: снайпер хацеў забіваць «белых людзей, перш за ўсё, паліцэйскіх» 4

Адзін з тых, хто ў пятніцу адкрыў агонь па паліцэйскім у Даласе, 25-гадовы Міка Джонсан, як высветлілася, з'яўляецца ваеннаслужачым запасу, які прайшоў Афганістан.

Таксама стала вядома, што прэзідэнт ЗША Барак Абама скароціць сваё еўрапейскае турнэ і прыбудзе ў Далас.

У чацвер у Даласе пяцёра паліцэйскіх былі забітыя і яшчэ сямёра атрымалі раненні ў выніку стральбы са снайперскіх вінтовак падчас пратэстаў супраць забойства паліцыяй двух чарнаскурых грамадзян. Самі пратэсты пачаліся пасля таго, як у інтэрнэце з розніцай у два дні з'явіліся адразу два відэа з розных штатаў, на якіх паліцэйскія забіваюць двух афраамерыканцаў — у штаце Мінесота і ў Луізіяне.

У ходзе спецаперацыі паліцыі ўдалося арыштаваць трох падазроных, іх імёны пакуль не называюцца. Чацвёрты — Міка Джонсан — схаваўся ў гаражы і пасля шматгадзіннага супрацьстаяння быў забіты пры выкарыстанні выбуховай прылады падчас штурму будынка, дзе ён хаваўся.

Выбухоўка туды была дастаўлена пры дапамозе робата.

Паліцэйскія вялі аблогу снайпера, які хаваўся ў гаражы. Фота AP.

Падчас перамоваў з паліцыяй Джонсан заявіў, што дзейнічаў у адзіночку і хацеў забіваць «белых людзей, у першую чаргу, паліцэйскіх».

Перамовы з падазраваным зайшлі ў тупік. Было прынята рашэнне выкарыстаць бомбу.

Па звестках паліцыі, Джонсан жыў у прыгарадзе Даласа, у яго не было крымінальнага мінулага, у сувязях з экстрэмістамі ён таксама не быў заўважаны.

0
Словарный запас / Адказаць
09.07.2016 / 15:02
Поэтому белорусам, посещающим Америку, лучше наконец перестать представляться там как White Russians!
0
мулла Омар / Адказаць
09.07.2016 / 23:33
А в Америке негров линчуют!
0
Н.М. / Адказаць
10.07.2016 / 11:24
Па мне, гэта тыповы негрыцянскі расізм. Паскудны, як і усе астатнія праявы расізму.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру