Reuters.com
Абаронца зборнай Партугаліі Седрык Суарыш пасля перамогі над Францыяй (1:0) у фінале Euro-2016 распавёў, што сказаў гульцам у перапынку сустрэчы заменены з-за траўмы Крышціяну Раналду. Па словах Суарыша, форвард «Рэала» знайшоў патрэбныя словы і змог матываваць каманду на другі тайм.
— Траўма Раналду стала для нас вельмі цяжкім момантам, — цытуе Суарыша goal.com. — Для мяне і для ўсёй каманды. Усе былі проста ў шоку. Аднак у перапынку Крышціяну знайшоў для нас фантастычныя словы. Ён надаў нам вялізную ўпэўненасць, сказаўшы: «Слухайце, хлопцы. Я ўпэўнены, што мы выйграем Euro. Таму проста будзьце адзіныя і змагайцеся».
Гэта неймаверна. Каманда добра паказала сябе. Мы прадэманстравалі, што калі гульцы змагаюцца як адно цэлае, то каманда становіцца значна мацнейшай.
Крышціяну Раналду — проста фантастыка. Яго стаўленне нельга апісаць словамі. Ён вельмі дапамог у перапынку. Усім. У яго заўсёды знаходзяцца шмат словаў, якія матывуюць. Каманда адрэагавала на іх.
