Ледавіковы перыяд 5: Курс на сутыкненне
Жанр: мультфільм, камедыя, прыгоды
Рэжысёр: Майк Цёрмаер, Гален Т. Чу
У ролях (агучка): Нік Оферман, Адам Дывайн, Сайман Пегг, Джэніфер Лопез, Меліса Рауш, Стэфані Беатрыс
ЗША, 94 хв.
Адзнака: 5
Імкненне вавёркі Скрата злавіць арэх прывялі яго ў адкрыты космас, дзе ён стварае Сонечную сістэму. У выніку яго дзеянняў на Зямлю ляціць метэарыт. Мэнні, Сід, Дыега і астатняя частка статка вымушаныя пакінуць свае дамы і прыступіць да пошукаў новага месца. Ласка Бак выбраўся са свету дыназаўраў і вырашыў дапамагчы героям спыніць метэарыт. Падчас падарожжа яны сустрэнуцца з экзатычнымі жывёламі, сярод якіх духоўны лідэр Шангры-Лама.
Мультфільм з'яўляецца пятым у серыі анімацыйных фільмаў «Ледавіковы перыяд» вытворчасці Blue Sky Studios. Першая частка выйшла у 2002, але найбольшую папулярнасць, як і найбольшыя зборы здабылі сіквелы «Ледавіковы перыяд 3: Эра дыназаўраў» (2009) і «Ледавіковы перыяд 4: Кантынентальны дрэйф» (2012).
Пятая частка выкарыстоўвае найбольш фантастычны сюжэт, чым падзеі мінулых фільмаў.
Гісторыя Скрата з'яўляецца пародыяй на навукова-фантастычныя фільмы Рыдлі Скота «Чужы» (1979), «Праметэй» (2012) і «Марсіянін» (2015).
Паменшала і асветніцкай інфармацыі: дзеці даведаюцца, як утварылася Зямля, а астатнія падзеі больш весяляць, чым вучаць ці паведамляюць нешта карыснае.
Сюжэт круціцца вакол тэмы стварэння новай сям'і мамантаў і адносінаў Мэні з дачкой і зяцем, а таксама выратавання ад метэарыту.
Усё дзеянне моцна разбаўленае жартамі, па-сапраўднаму нічога страшнага не адбываецца — прынамсі, перажыванні герояў застаюцца за кадрам.
Радуе толькі выключная якасць графікі.
Мультфільм мае ўзроставы рэйтынг 0+ і падыйдзе для самых маленькіх гледачоў.
