15.07.2016 / 16:31

Зафіксавалі першую спробу разлічыцца падробленымі дэнамінаванымі грашыма ФОТАФАКТ абноўлена 3

Пра гэта паведаміла старшы оперупаўнаважаны па асабліва важных справах Галоўнага ўпраўлення па барацьбе з эканамічнымі злачынствамі крымінальнай міліцыі Міністэрства ўнутраных спраў Беларусі Вераніка Пасмецьева.

Да праваахоўнікаў звярнулася прадавец адной з крамаў горада Глыбокае. Яна паведаміла, што адзін з пакупнікоў разлічыўся з ёй за прадукты грашовай купюрай узору 2009 года наміналам Br20, якая выклікала ў жанчыны сумнеў у сапраўднасці банкноты.

Міліцыя высветліла, што фальшыўкай наўмысна заплаціў за прадукты 48-гадовы мясцовы жыхар.

Падчас далейшага разгляду высветлілася, што падробленую купюру мужчыну перадаў 46-гадовы беспрацоўны знаёмы, на рахунку якога не адна судзімасць.

Прыяцелі ўсяляк спрабавалі схаваць, як да іх трапіла фальшыўка, але аператыўныя супрацоўнікі высветлілі, што несапраўдную банкноту ім перадаў мясцовы 31-гадовы бізнэсовец, які займаецца вырабам рэкламнай прадукцыі.

Прадпрымальнік на працоўным месцы адсканаваў сапраўдную купюру і раздрукаваў атрыманую карцінку на звычайным прынтары.

Цяпер у дачыненні да збытчыкаў падробленай банкноты ўзбудзілі крымінальную справу. Праводзіцца далейшае расследаванне.

Ад пачатку года праваахоўнікі выявілі 432 злачынствы, звязаныя з вырабам, захоўваннем альбо збытам падробленых грошай і каштоўных папер.

У апошнія гады ў Беларусі больш падрабляюць замежную валюту, чым нацыянальную. Найчасцей — даляры ЗША, еўра і расійскія рублі. Толькі ў адзінкавых выпадках гэта былі беларускія рублі.

0
Гость / Адказаць
15.07.2016 / 19:44
Прогресс !
0
Гарадзенец / Адказаць
16.07.2016 / 19:42
Новыя грошы маюць вартасьць.
0
Paymental / Адказаць
17.07.2016 / 21:12
И в новости по телевизору и невооруженным глазом отлично заметно, что банкноту даже не постарались ровно вырезать и срезали часть буквы Д. На что этот рекламщик надеялся при кривых то руках.
Каб пакінуць каментар, калі ласка, актывуйце JavaScript у наладах свайго браўзеру