Камандуючы Ваенна-паветранымі сіламі Турцыі Абідзін Унал быў узяты ў закладнікі прыхільнікамі дзяржаўнага перавароту на вяселлі дачкі свайго падначаленага ў Стамбуле. Пра гэта паведамляе Hurriyet Daily News.
Па інфармацыі выдання, увечары ў пятніцу, 15 ліпеня, калі пачаўся путч, ваеначальнік знаходзіўся ў гасцях. Падчас вясельнай цырымоніі ў садзе прызямліліся пяць верталётаў з мяцежнікамі. Ім удалося выкрасці Унала, яшчэ аднаго генерала, бацьку нявесты Мехмета Шанвера і іншых афіцэраў.
Вайскоўцы да гэтага часу знаходзяцца ў руках паўстанцаў, удакладняе Hurriyet Daily News.
0
0
0
0
0
0
