У Мінскай вобласці працягваюцца аднаўленчыя работы пасля серыі разбуральных навальнічных франтоў.

Моцны вецер, град і залевы абрынуліся на рэгіён 11—13 ліпеня. Найбольш магутны ўдар стыхіі быў зафіксаваны 13 ліпеня, калі праз Беларусь перамяшчаўся навальнічны фронт з парывамі ветру да 21 метра за секунду. У гэты дзень пацярпела 510 населеных пунктаў у 26 раёнах Віцебскай, Гомельскай, Гродзенскай, Мінскай, Магілёўскай абласцей, а таксама Мінск.

На раніцу 17 ліпеня ў Мінскай вобласці, паведамляе рэгіянальнае ўпраўленне МНС, заставаліся пашкоджанымі дахі 417 будынкаў: 325 жылых дамоў, 92 сельскагаспадарчых будынкаў, з іх 18 малочных ферм. За мінулыя суткі адноўленыя дахі 169 будынкаў, з іх 146 жылых дамоў і 23 сельскагаспадарчых будынкаў.

На тэрыторыі Мінскай вобласці была пашкоджаная 381 апора ліній электраперадачы, 129 усё яшчэ не адрамантаваныя, паведамляе МНС.

Хочаш падзяліцца важнай інфармацыяй ананімна і канфідэнцыйна?