Старшыня цэнтральнага камітэта Камуністычнай партыі Расійскай Федэрацыі (КПРФ), кіраўнік фракцыі партыі ў Дзяржаўнай думе Генадзь Зюганаў 19 ліпеня прыбудзе з афіцыйным візітам у Беларусь.
Як паведамляе прэс-служба КПРФ, запланавана яго сустрэча з Аляксандрам Лукашэнкам. Адбудзецца таксама цырымонія ўзнагароджання Зюганава ордэнам Дружбы народаў. Акрамя таго, 19 ліпеня ў Нацыянальным прэс-цэнтры пройдзе прэс-канферэнцыя Зюганава.
Указ аб узнагароджанні Зюганава ордэнам Дружбы народаў Лукашэнка падпісаў 8 чэрвеня. Расійскі палітык атрымаў узнагароду «за значны асабісты ўклад ва ўмацаванне дружалюбных адносін і супрацоўніцтва паміж Беларуссю і Расіяй, станаўленне Саюзнай дзяржавы, развіццё эканамічных, навукова-тэхнічных і культурных сувязяў».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Каментары