18.07.2016 / 17:53

Сусветнае антыдопінгавае агенцтва заклікала зняць Расію з Алімпіяды 6

Афіцыйны прадстаўнік Сусветнага антыдопінгавага агенцтва (ВАДА) Бэн Нікалс заявіў, што ВАДА заклікае адхіліць расійскіх спартоўцаў ад усіх міжнародных спаборніцтваў, уключаючы Алімпіяду 2016 года ў Рыа-дэ-Жанейра.

У дакладзе ВАДА, які быў прадстаўлены раней 18 ліпеня, няма рэкамендацыі аб адхіленні расійскіх спартоўцаў ад спаборніцтваў.

***

Прэзідэнт Міжнароднага алімпійскага камітэта Томас Бах назваў высновы расследавання Рычарда Макларэна, агучаныя сёння ў Таронта, шакуючымі. «Гэта беспрэцэдэнтная атака на прыстойнасць спорту і Алімпійскіх гульняў», — сказаў Бах.

МАК заявіў, што ўважліва вывучыць складаныя і дэталёвыя абвінавачванні, вылучаныя ў адрас расейскага мінспорта. «МАК не спыніцца перад тым, каб прыняць самыя суровыя меры супраць замяшаных людзей або арганізацый», - гаворыцца ў заяве камітэта.

Члены прэзідыума МАК правядуць тэлефонную канферэнцыю ў аўторак, каб абмеркаваць і прыняць першыя рашэнні.

***

Рычард Макларэн заявіў сёння, што сістэма допінгу ў расійскім спорце працавала не толькі на Алімпійскіх гульнях, але і на чэмпіянаце свету па лёгкай атлетыцы ў 2013 годзе, на Універсіядзе ў Казані, а таксама на ЧС па водных відах спорту.

Выканкам Міжнароднага алімпійскага камітэта (МАК) 19 ліпеня правядзе тэлефонную канферэнцыю адносна заяў, якія былі зробленыя ў справаздачы незалежнай камісіі Сусветнага антыдопінгавага агенцтва (WADA), паведамляе sports.ru.

Арганізацыя мае намер прыняць першыя рашэнні адносна мер пакарання тых, хто быў уцягнуты ў расійскую допінгавую сістэму. Таксама будзе ўзнята пытанне аб часовых санкцыях, звязаных з Алімпіядай у Рыа.

Паводле справаздачы камісіі WADA, Міністэрства спорту Расіі кантралявала працэс падмены станоўчых допінг-пробаў у Сочы-2014 пры ўдзеле ФСБ, Цэнтра спартыўнай падрыхтоўкі, а таксама двух лабараторый — у Маскве і Сочы.

Метад утойвання станоўчых допінг-пробаў ўжываўся ў пераважнай большасці як зімовых, так і летніх відаў спорту. Самая вялікая колькасць утоеных тэстаў было выяўлена ў лёгкай атлетыцы — 139 пробаў.

Сённяшняя першая старонка расійскага Спорт-Экспресса

0
Янка / Адказаць
18.07.2016 / 18:31
Даўно пара выгнаць Арду з Алімпіяд! Усе іх " перамогі" - вынік падману. Треба таксама пазбавіць медалеў.
0
VadziA / Адказаць
18.07.2016 / 23:08
Hladzieŭ z tydzień tamu čempijonat Eŭropy pa l/a - i biaz rasiejcaŭ było całkam utulna... bycam j niamašaka ich...
0
вадимир / Адказаць
19.07.2016 / 01:20
олимпиада без соперничества...так похоже на выборы в беларуси...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру