18.07.2016 / 22:32

Фатограф Сяргей Гудзілін выпусціў лімітаваны наклад паштовак пра Мінск ВІДЭА  3

Фатограф «Нашай Нівы» Сяргей Гудзілін адмыслова для сваёй першай персанальнай выставы выпусціў абмежаваны наклад паштовак пра вуліцы Мінска.

Некаторыя са здымкаў чытачы «НН» маглі бачыць у тэматычных падборках «Дух мінскіх вуліц».

Наклад паштовак зусім невялікі — 150 камплектаў. Адзін камплект, запакаваны ў капэрту з крафт-паперы, утрымлівае 10 паштовак.

Наклад не прызначаны для продажу і распаўсюджваецца па перадзамове на краўдфандынгавай пляцоўцы Талака. Старонка адмыслова створана для збору сродкаў на першую персанальную выставу Гудзіліна.

Кожны камплект паштовак аўтар уласнаручна нумаруе і падпісвае. Гэта можа быць незвычайным падарункам для замежнікаў, хіпстараў-урбаністаў ці проста аматараў стрыт-фатаграфіі.

Дарэчы, адзін з камплектаў паштовак аўтар разыгрывае ў сваім фэйсбуку. Дызайнер паштовак — Ігар Юхневіч. Выпусціла друкарня «Данарыт» у Мінску.

NN.BY

0
Anatol Starkou / Адказаць
18.07.2016 / 22:56
Ну і як набыць / купіць, калі я новых рублей не бачыў, а пра старыя даўно забыўся? Як купіць за даляры, седзячы (прабачце, змагаючыся) ў Штатах?
0
Антонина / Адказаць
18.07.2016 / 23:11
Anatol Starkou, можно купить из любой точки мира. Это точно!
0
Anatol Starkou / Адказаць
18.07.2016 / 23:24
Там тэлефон трэба дадаць, а мой сотавы не ведае ні ЦРУ, ні КДБ, ні ФСБ, бо я з імі не працую і не даю ім нумар свайго тэлефона.
Каб пакінуць каментар, калі ласка, актывуйце JavaScript у наладах свайго браўзеру